![Açiq mənbələrdən foto.](https://turan.az/resized/media/2023/main/071900064518-750-500-resize.webp)
Açiq mənbələrdən foto.
Ədliyyə Nazirliyi Müsavat Partiyasına mənfi cavab verib
Bakı/19.07.23/Turan: Ədliyyə Nazirliyindən partiyanın yenidən qeydiyyatı ilə bağlı mənfi cavab aldıq.
Bu barədə Müsavat Partiyasının başqanı Arif Hacılı facebook səhifəsində yazıb.
"Bizə göndərilən məktubda qeyd edilir ki, təqdim olunan 5212 nəfərlik siyahıda 2766 nəfər haqqında məlumatlar düzgün qeyd edilmədiyindən dəqiqləşdirilməlidir, 250 nəfər telefon zənginə cavab olaraq partiya üzvü olmadığını bildirib, 11 nəfər barədə məlumatlar təkrarlanıb", deyə o qeyd edib.
Bütün bu problemləri həll etmək üçün partiyaya 30 gün vaxt verilir.
Hacılı bildirib ki, partiya üzvləri haqqında məlumatda hansı qüsurların olması, telefon nömrəsi olmayan və ya şəxsi məlumat kimi şəxsi telefon nömrəsini verməmək hüququndan istifadə edənlərlə bağlı məsələləri hüquq müstəvisində müzakirə edib həll edəcəklər.
"Bu da yetərli olmasa, daha bir neçə min Müsavat üzvünün siyahısı Ədliyyə Nazirliyinə təqdim olunacaq", deyə Müsvat Partiyasının başqanı qeyd edib.
Ədliyyə Nazirliyi bundan öncə Respublikaçı Alternativ (REAL) Partiyasına eyni məzmunlu cavab verib.
Azərbaycanda indiyədək 58 siyasi partiya olub. Onlardan 31-i özünü buraxdığını elan edib. Digər 28 siyasi partiya Ədliyyə Nazirliyində yenidən qeydiyyatdan keçmək üçün müraciət edib. 03
-
- Cəmiyyət
- 19 İyul 2023 15:26
Siyasət
-
İyulun 30-da Bakı Ağır Cinayətlər Məhkəməsində Həmkarlar İttifaqı fəalı Afiyəddin Məmmədovun işi üzrə prosesdə iki şahidin – Daxili İşlər Nazirliyinin çevik alayının əməkdaşları Mustafa İsmayılovun və Sadiq Həsənlinin ifadələri dinlənilib.
-
İran prezidentinin andiçmə mərasimində iştirak etmək üçün Tehrana gedən Azərbaycanın baş naziri Əli Əsədovu təkcə vitse-prezident Məhəmməd Rza Arif qəbul edib.
-
Bakı Ağır Cinayətlər Məhkəməsində jurnalistlərin məhkəmə proseslərinə buraxılması dayandırılıb.
-
Ermənistan və Türkiyə Axurik-Akyaka dəmir yolu sərhəd keçidinin bərpası imkalarını nəzərdən keçirəcəklər, Ermənistan Xarici İşlər Nazirliyi iki ölkənin xüsusi nümayəndələri Ruben Rubinyan və Sərdar Kılıçın sərhəddə görüşünün yekunları barədə bildirib, "Sputnik-Armeniya" məlumat yayıb.
Rəy yaz