Çərşənbə axşamı Bakıda 2015-ci ildə Azərbaycanın paytaxtında keçiriləcək Birinci Avropa Oyunları Koordinasiya Şurasının ikinci iclası keçirilib.
Tədbirin yekunlarına həsr olunmuş mətbuat konfransında Avropa Olimpiya Komitəsinin prezidenti Patrik Hikki qeyd edib ki, oyunlara 600 gündən az vaxt qalıb və təşkilati və iqtisadi resursları olan Azərbaycan ümum-Avropa miqyaslı ilk idman layihəsi üçün ideal meydandır.
“Qarşıda duran yarışlar ənənəvi Olimpiya oyunlarının eynisi olmayacaq və Avropa ənənələri onlara öz izini qoyacaq. Ümid edirik ki, bütün Avropalılar bu uğurlu seçimdən qazanacaqlar”, deyə o əlavə edib.
AR gənclər və idman naziri Azad Rəhimovun sözlərinə görə, təşkilat komitəsi artıq Olimpiya oyunlarının müasir hostinq yayımı konsepsiyasının yaradılması və inkişafı işində pioner olan İspaniyanın Manolo Romeronun rəhbərlik etdiyi İnternational Sports Broadcasting (İSB) şirkəti ilə ilkin danışıqlar aparıb. Bu şirkət 1998-ci ildən Olimpiya oyunları yayınını idarə edilməsinə cəlb olunub.
Xərclərlə bağlı konkret rəqəmlər göstərməyən və bu suala cavab verməyən Rəhimov deyib ki, obyektlərin 80%-i gələn ilin sonuna qədər hazır olacaq. Olimpiya futbol stadionu və su idman növləri kompleksi 2015-ci ilin fevralına hazır olacaq.
17 yarış gün ərzində və hazırlıq dövründə dünyanın 49 ölkəsindən təxminən 7 min 300 atletin Olimpiya kəndində yaşaması, qidalanması və istirahəti üçün bütün şəraitlər yaradılacaq, deyə nazir bildirib.
2015-ci ilin iyununda Bakıda ilk Avropa oyunları keçiriləcək.
Azərbaycan Milli Təşkilat Komitəsinə prezidentin həyat yoldaşı Mehriban Əliyeva rəhbərlik edir. Komitəyə demək olar ki, bütün aparıcı nazirlər, Prezident Administrasiyasının rəhbərləri, MOK üzvləri, idmançılar və digər şəxslər daxildir. -17D-
Cəmiyyət
-
Dekabrın 22-də Bakıda və Abşeron yarımadasında havanın dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə çiskin olacağı ehtimalı var. Mülayim cənub-qərb küləyi əsəcək.
-
Çox vaxt "Qafqazın Dubayı" adlandırılan Bakı getdikcə sakinlərin mənzil hüquqlarının sistematik şəkildə pozulması ilə tanınmağa başlayır. Şəhərin yenilənməsi və yeni eleqant binaların inşası zamanı Azərbaycanın paytaxtında minlərlə ailə qanunsuz olaraq öz evlərindən məhrum edilib. Çoxları müqavimətin faydasız olduğunu bilərək, öz qiymətli əmlaklarına görə qeyri-adekvat pul kompensasiyasına razılaşır. Mənzil Məcəlləsinə inanan azlıq isə tikinti şirkətlərindən ədalətli təzminat tələb edir, ancaq çox vaxt hər şeyi itirir - həm evini, həm də təzminatın istənilən formasını.
-
Düşərgədə iştirak edən məktəblilər ölkəmizi üç nüfuzlu beynəlxalq olimpiadada təmsil edəcək Ölkəmizin beynəlxalq fənn olimpiadalarında təmsil etməyə hazırlaşan şagirdlərin hazırlıq prosesi müvəffəqiyyətlə davam edir. Azercell, Elm və Təhsil Nazirliyi və Təhsil İnstitutunun birgə əməkdaşlığı çərçivəsində Bakı Ali Neft Məktəbində bu məktəblilər üçün növbəti “İnformatika Düşərgəsi” təşkil olunub.
-
Ötən gecə Azərbaycan-Ermənistan sərhədində 4.8, 3 və 3.8 maqnitudalı zəlzələlər baş verib, Azərbaycan Milli Elmlər Akademiyası Respublika Seysmoloji Xidmət Mərkəzi bildirib.
Rəy yaz