Açiq mənbələrdən foto.
Azərbaycan Dövlət Sərhəd Xidməti və Daxili İşlər Nazirliyi narkotik maddə alverçilərini saxlayıblar
Bakı/07.09.22/Turan: Sentyabrın 4-də saat 07:00-da Beyləqan rayonunun Şahsevən-1 kəndi yaxınlığında dövlət sərhədinin pozulmasına cəhd qeydə alınıb. Sərhəd pozucusu sərhədçilərin “Dayan!” əmrinə tabe olmayıb və gizlənib, lakin bir saat sonra yeri aşkar edilərək saxlanılıb. Bu barədə çərşənbə günü Azərbaycan Dövlət Sərhəd Xidməti məlumat verib.
Sərhəd pozucusunun Şükürov Əfqan İmamverdi oğlu (1981-ci ildə anadan olub) məlum olub. Şəxsi baxış zamanı ondan 6 kiloqram 108 qram narkotik maddənin (marixuana, metamfetamin və metadon-40 həbi) olduğu bağlama götürülüb. Faktla bağlı araşdırma aparılır.
Öz növbəsində Daxili İşlər Nazirliyi Göyçayda Bakıdan olan narkotik maddə alverçiləri Çingiz Əhmədzadə və İlkin Qurbanlının saxlanılması barədə məlumat yayıb.
Axtarış zamanı onlardan yarım kiloqram heroin, yarım kiloqram tiryək, 100 qram metamfetamin və 300 ədəd tramadol həbi götürülüb, Daxili İşlər Nazirliyinin mətbuat xidməti bildirib.
Saxlanılan şəxslərin Azərbaycana qaçaqmalçılıq yolu ilə narkotik maddə keçirən xarici ticarətçinin narkokuryerləri olduğu müəyyən edilib.
Əhmədzadə və Qurbanlı sonradan Bakıda satmaq üçün narkotik maddəni saxlandığı yerdən götürərkən cinayət başında yaxalanıblar. Faktla bağlı cinayət işi başlanıb, saxlanılan hər iki şəxs həbs edilib. 05В06
Cəmiyyət
-
Yanvarın 10-da Bakıda və Abşeron yarımadasında hava tutqun, yağışsız olacaq. Mülayim cənub-şərq küləyi əsəcək. Gecə 5-8, gündüz 9-14 dərəcə isti olacaq.
-
Bakının məşhur restoranlarından olan “Şuşa” restoranın söküntüsü davam etdirilir. Bu gün səhər saatlarında bir neçə ekskavator restoranının ətrafında söküntü işlərini davam etdirib.
-
Mobil operator sənaye təhlükəsizliyi və rifah sahəsində nümunəvi fəaliyyətinə görə təltif edildi “Azercell Telekom” MMC “Sənaye Təhlükəsizliyi Zirvəsi”ndə “İşçi Rifahı 2024” mükafatı ilə təltif edilib. Tədbir Fövqəladə Hallar Nazirliyinin Azərbaycan Dövlət Əməyin Mühafizəsi və Təhlükəsizlik Texnikası Elmi-Tədqiqat İnstitutunun və “Azərbaycan Sənaye Təhlükəsizliyi Assosiasiyası” İctimai Birliyinin birgə təşkilatçılığı ilə baş tutub. Belə ki, münsiflər heyəti lider mobil operatorun SƏTƏM (Sənaye Əməyin Təhlükəsizliyi və Ətraf Mühitin Mühafizəsi) sahəsində fəaliyyətini yüksək qiymətləndirib. Azercell işçi rifahı, sənaye təhlükəsizliyi, ətraf mühit standartlarının təkmilləşdirilməsi və iqlim dəyişikliyi ilə mübarizə istiqamətində həyata keçirdiyi layihələrlə fərqlənib.
-
Yanvarın 7-də Prezident İlham Əliyev dövlət büdcəsindən maliyyələşən bir sıra təşkilatlarda çalışan işçilərin əməkhaqlarının artırılması ilə bağlı sərəncam imzalayıb. Sərəncama əsasən, 2025-ci il yanvarın 1-dən etibarən Azərbaycan Milli Elmlər Akademiyasının Rəyasət Heyəti, Aparatı, Gəncə bölməsinin Aparatı və Heydər Əliyev Mərkəzi də daxil olmaqla, təxminən 20 qurumda rəhbər və digər işçilərin aylıq vəzifə maaşları orta hesabla 15% artırılacaq.
Rəy yaz