![Açiq mənbələrdən foto.](https://turan.az/resized/media/2023/main/072800064845-750-500-resize.webp)
Açiq mənbələrdən foto.
“Azərbaycan Hava Yolları” yenidən uçuşları vahid AZAL brendi altında həyata keçirəcək
Bakı/28.07.23/Turan: 2023-cü ilin oktyabrında “Azərbaycan Hava Yolları” (AZAL) və “Buta Airways” vahid AZAL brendi altında birləşəcək.
“Birləşmə hər iki aviaşirkətin ən yaxşı keyfiyyətlərini özündə ehtiva etməklə, sərnişinlərimiz üçün sərfəli tariflərlə səyahət etmək imkanlarını daha da genişləndirəcək, eləcə də müştərilərimizin səyahətlərini rahat planlamasını və onlara göstərilən xidmət səviyyəsində artımı təmin edəcək”, - “Azərbaycan Hava Yolları” mətbuat xidmətinin məlumatında deyilir.
“Buta Airways”ə məxsus bütün reyslər birləşmədən sonra da hazırda mövcud olan eyni sərfəli qiymətlərlə, lakin daha üstün xidmət səviyyəsilə vahid AZAL brendi altında təklif olunacaq. İl ərzində müxtəlif güzəşt kampaniyaları da davam etdiriləcək.
AZAL sərnişinlər üçün aviadaşımaları daha da əlçatan etmək üçün bütün reyslərində yeni “Buta Budget” baqajsız tarifi təklif edəcək. Bundan əlavə, bütün tariflərə əl yükü daxil ediləcək və “Buta Budget” istisna olmaqla, baqajın daşınması norması artırılacaq. Həmçinin sərnişinlərimə yenilənmiş menyü təqdim olunacaq.
İstiqamətdən asılı olmayaraq bütün reyslərin biletlərini vahid www.azal.az internet saytı üzərindən və AZAL mobil tətbiqi vasitəsilə bron etmək və ödənişi həyata keçirmək mümkün olacaq.
Qeyd edək ki, 8 il öncə “Buta Airways” "Azərbaycan Hava Yolları" strukturunda aşağı büdcəli şirkət kimi yaradılıb.
Ancaq sərnişinlər “Buta Airways” və AZAL-ın qiymətlərində böyük fərq hiss etməyiblər. “Buta Airways”də nisbətən aşağı qiymətlər əl yükünə və baqaja görə əlavə ödənişdə özünü göstərib. 0D
-
- Maliyyə
- 28 İyul 2023 12:33
-
- Çətin sual
- 28 İyul 2023 13:12
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz