Azərbaycan həbsxanalarında 30-dan çox ölkənin vətəndaşları cəza çəkirlər

Azərbaycanın islah müəssisələrində dünyanın 30-dan çox ölkənin vətəndaşları cəza çəkirlər. Bu barədə Azərbaycan ədliyyə Nazirliyinin Penitensiar Xidmətinin hüquq şöbəsinin rəisi Ziya Dadaşov avqustun 29-da məcburi saxlanma yerlərində əcnəbilərin hüquqlarının müdafiəsi mövzusunda seminarda bildirib. Onlar üçün məhkumların hüquqlarının 4 dildə - Azərbaycan, rus, fars və ingilis dillərində izahı ilə stendlər quraşdırılıb.

Dadaşovun sözlərinə görə, cəzaçəkmə müəssisələrində ABŞ, Banqladeş, Belarus, Çin, Əfqanıstan, Əlcəzair, Ermənistan, Gürcüstan, Hindistan, İran, İraq, Konqo, Liberiya, Maldiv adaları, Mərakeş, Misir, Moldova, Nigeriya, Oman, Özbəkistan, Pakistan, Qazaxıstan, Qvineya, Pakistan, Rusiya, Şri Lanka, Sudan, Tacikistan, Türkiyə, Türkmənistan və Ukrayna vətəndaşları cəza çəkirlər.

14 əcnəbi ömürlük həbs cəzasına məhkum edilib.

Onların arasında 4 nəfər vətəndaşlığı olmayan şəxs, 4 nəfər Rusiya vətəndaşı, 4 nəfər Gürcüstan vətəndaşı,  1 İran və 1 Qazaxıstan vətəndaşı var.