Azərbaycan komandaları Avropa Liqasında uğurla çıxış ediblər

Avropa Liqasında çıxış edən Azərbaycanın üç futbol klubu yarışlara başlayıb. İyulun 7-də Avropa Liqasının birinci təsnifat raundunda cavab matçları keçirilib.

Gəncənin “Kəpəz” komandası Moldovanın “Daçiya” komandasına 1:0 hesabı ilə qalib gələrək yarışların ikinci mərhələsinə keçib. Bakıda keçirilən birinci matçda komandalar 0:0 oynayıblar.

“Qəbələ” futbol klubu cümə axşamı səfərdə Gürcüstann “Samtredia” komandasına 1:2 hesabı ilə məğlub olub. Lakin öz meydanında 5:1 hesabı ilə qalib gələn “Qəbələ” yarışlarda mübarizəni davam etdirəcək.

Bakının “Neftçi” komandası birinci matçda Maltanın “Baltsan” komandasına 2:0 hesabı ilə qalib gəlib. Cümə axşamı bakılılar hesabı açsalar da iki qol buraxıblar. Qonaqlar penalti vura bilməyiblər. Sonda “Neftçi” iki görüşün yekunları üzrə qol fərqinə görə ikinci təsnifat raunduna çıxıb.

Milli birinciliyin qalibi Ağdamın “Qarabağ” komandası ikinci təsnifat raundunda birbaşa Çempionlar Liqasında çıxış etmək hüququ qazanıb.

“Qarabağ”ın rəqibi Lüksemburqun “Dyudelanj” komandası olacaq.-0-