Azərbaycan müdafiə nazirinin keçmiş müavini həbs olunub

  Müdafiə nazirinin  keçmiş müavini Mehman Səlimov həbs olunub. O,   Baş Prokurorluğun Ağır Cinayətlərə Dair İşlər üzrə İstintaq İdarəsində istintaq edilən cinayət işi ilə bağlı  məsuliyyətə cəlb edilib.

M.Səlimova qarşı Cinayət Məcəlləsinin 179.3.2-ci (mənimsəmə - külli miqdarda törədildikdə) və 308.2-ci (vəzifə səlahiyyətlərindən sui-istifadə etmə) maddələri ilə ittiham irəli sürülüb və onun barəsində həbs qətimkan tədbiri seçilib.  

Baş Prokurorluğun mətbuat xidmətinin rəhbəri Eldar Sultanov  Turan-a  faktı təsdiqləyib. O, başqa detalları açıqlamayıb.

M.Səlimova qarşı istintaqın Hərbi Prokurorluq tərəfindən aparılmadığını nəzərə alsaq, güman etmək olar ki, həbs onun Müdafiə Nazirliyindəki fəaliyyəti ilə bağlı deyil.

M.Səlimov 1995-99-cu  müdafiə nazirinin siyasi və ictimai işlər üzrə müavini olub.

Qeyri-rəsmi mənbələrə görə, son illər bizneslə məşğul olub.-16d-