Azərbaycan Müdafiə Nazirliyi Ermənistanın baş nazirinə cavab verib
Oktyabrın 22-də qeyd olunan istiqamətdə Erməni Silahlı Qüvvələri intensiv olaraq atəşkəs rejimini pozub. Azərbaycan Ordusu həmin andaca düşmənin təxribatının qarşısını alıb, cavab atəşi ilə onu susdurub. Bu barədə Azərbaycan Müdafiə Nazirliyinin mətbuat xidmətinin rəisi Eldar Sabiroğlu Turan agentliyinə Ermənistan baş naziri Tiqran Sarkisyanın bu günki bəyanatını şərh edərkən bildirib.
Ermənistan baş naziri bu gün parlamentdəki çıxışında deyib ki, oktyabrın 22-də Ermənistanın Tavuş vilayəti və Azərbaycanın Tovuz rayonu sərhəddində Berd-İcevan avtomobil yolu sahəsində erməni hərbçilərini daşıyan maşın karvanı atəşə tutulub. Nəticədə bir əsgər həlak olub, digərləri isə yaralanıb.
Baş nazir bildirib ki, Azərbaycan tərəfinin bu hərəkəti ictimai fikri ölkədə keçirilən prezident seçkilərindən yayındırmağa xidmət edir. “Azərbaycanın belə təxribatları indiyədək cavabsız qalmayıb və bundan sonra da cavabsız qalmayacaq”, o qeyd edib. .
Azərbaycan Müdafiə Nazirliyinin mətbuat xidmətinin rəhbəri Ermənistan tərəfinin bu cür açıqlamalarını əhəmiyyətsiz hesab edir. “Azərbaycan Silahlı Qüvvələri istənilən cəhdin qarşısını almağa qadirdir və Ermənistan baş nazirinin bəyanatı Azərbaycana hər hansı təsir edə bilməz”, Sabiroğlu qeyd edib.-03B-.
-
- Mədəniyyət
- 24 Oktyabr 2013 15:25
-
- İqtisadiyyat
- 24 Oktyabr 2013 15:46
Cəmiyyət
-
Bazar günü, oktyabrın 6-da Bakıda və Abşeron yarımadasında hava şəraitinin dəyişkən buludlu, əsasən yağmursuz olacağı gözlənilir, mülayim cənub-şərq küləyi əsəcək.
-
Naxçıvanda 1 saylı tam orta məktəbin müəlliməsi Səriyyə Qənbərova işdən çıxarılıb. Naxçıvan MR Təhsil Nazirliyindən bildirilib ki, o, məktəbdə sinif rəhbəri vəzifəsi və həftəlik 26 saat dərs yükü ilə təmin edilmişdi. "2024-cü ilin sentyabr ayı ərzində əmək intizamını pozaraq işə çıxmayıb, tədris başlandıqdan sonra üzrlü səbəb olmadan cədvəl üzrə dərslərini tədris etməyib. Həmçinin Səriyyə Qənbərova müxtəlif sosial şəbəkələrdə və saytlarda paylaşdığı məlumatlarla, eyni zamanda müəssisədə insident yaratmaqla "Təhsilverənlərin etik davranış Qaydaları"nı kobud surətdə pozub".
-
Son zamanlar bəzi dövlətlər dünyanı nüvə silahı ilə təhdid etməkdədir. 2022-ci ildə Ukraynaya açıq təcavüz edən Rusiya rəsmiləri də son aylar Qərb ölkələrini Ukraynaya verdikləri silahlarından onların ərazilərini vurmağa icazə verəcəkləri təqdirdə açıqca nüvə silahından istifadə edə biləcəkləri ilə hədələyirlər.
-
Oktyabrın 5-də paytaxtda hava dəyişkən olacaq, yağıntı olmayacaq. Şimal-şərq küləyi şimal-qərb küləyinə keçəcək.
Rəy yaz