Bu gün Bakıda «Qeyri-neft sektorunun nisbi üstünlüyünün və modelləşdirilməsinin qiymətləndirilməsi» adlı beynəlxalq konfransı keçirilib. Tədbirdə məqsəd şaxələnmə üçün 2020-ci ilə kimi iqtisadiyyatın inkişafının prioritet istiqamətlərinin aşkarlanmasıdır.
İqtisadi və Sosial İnkişaf Mərkəzinin (CESD) eksperti eksperti Ziya Əlili “Azərbaycan 2020: Gələcəyə baxış” konsepsiyası işığında iqtisadi modelləşdirilmənin bir neçə rakursundan sektoral iqtisadi siyasətin qiymətləndirilməsi üzrə tədqiqatın nəticələrini təqdim etdi. Sənəd hazırlanarkən yerli və xarici iqtisadçıların rəylərindən istifadə edilib.
CESD-in hesablamasına görə, 2020-ci ilə kimi ümumi daxili məhsulun 2 dəfə artırılması üçün (107,8 mlrd manat) ölkə iqtisadiyyatı ildə 9,05% inkişaf etməlidir. Əsas ağırlığı qeyri-neft iqtisadiyyatı üzərinə götürməlidir. Neft-qaz sektoru bu illərdə azalacağına görə qeyri-neft iqtisadiyyatın payı ixrac strukturunda ildə 26,7% artmalı və 2020-ci ildə $1,5 mlrd-dan $10,2 mlrd-a yüksəlməlidir.
Buna nail olmaq üçün ilk növbədə rəsmi məlumata görə, 9% paya mailk gizli iqtisadiyyat aradan qaldırılmalıdır. Müstəqil ekspertlər bu göstəricinin 33% olduğunu bildirir. Hətta rəsmi rəqəm nəzərə alınmaqla gizli iqtisadiyyat aradan qaldırılsa, ÜDM illik 7,9% artımla iki dəfə artar.
CESD ekspertləri kreditlər üzrə yüksək bank faizlərini də əngəl hesab edirlər.
Prioritet sahələr kimi CESD kənd təsərrüfatı, İKT, sənaye və turizmi qeyd edir. Aqrar sektora subsidiyaların azaldılması, turizmin inkişafı üçün viza rejimin sadələşdirilməsi, KT sektorunda dövlətin iştirakının azaldılması, xammaldan son məhsula keçid təklif edilir.
Milli Məclisin iqtisadi siyasət komissiyasının sədri Ziyad Səmədzadə tədqiqatın nəticələrini müsbət qiymətləndirib və bir sıra nəticələrlə razılaşıb.
Qazaxıstan təcrübəsi haqda bu ölkənin maliyyə assosiasyasının təmsilçisi Mədət Sartbayev çıxış edib.
Konfransda Almaniyanın Azərbaycandakı səfiri Haydrun Tempel, nazirlik və təşkilat nümayəndələri çıxış edib. 08C
İqtisadiyyat
-
Avropada təbii qazın qiymətləri cümə günü 2023-cü ilin oktyabr ayından bəri ən yüksək səviyyəyə yüksələrək, bölgədə gözlənilən soyuq hava dalğası fonunda artan tələbat gözləntilərini əks etdirib.
-
ABŞ-ın prezidenti Donald Trampın təklif etdiyi enerji və ticarət siyasətləri qlobal neft və qaz qiymətlərində uzunmüddətli enişə səbəb ola bilər. Bu isə 2026-cı ildən etibarən Azərbaycanda iqtisadi sabitliyin pozulmasına gətirib çıxara bilər, əgər fundamental struktur islahatları həyata keçirilməzsə, iqtisadçı Qubad İbadoğlu son analizində xəbərdarlıq edib.
-
Azərbaycan kənd təsərrüfatı sektorunu şaxələndirmək istiqamətində addım ataraq ölkənin ilk kommersiya məqsədli banan istehsalına start verib. Yerli istehsalçı Fruitland tropik meyvələri daxili bazara təqdim edir.
-
Azərbaycan, Gürcüstan, Türkiyə və Bolqarıstan yaşıl enerjinin ötürülməsi sahəsində qarşılıqlı anlaşma memorandumu layihəsinin mətnini razılaşdırıblar. Bu, regionda dayanıqlı enerji əlaqələrinin inkişafında mühüm addım kimi qiymətləndirilir. Sənəd ölkələr arasında enerji mübadiləsini genişləndirmək və Yaşıl Enerji Dəhlizi layihəsi üçün hüquqi baza yaratmaq məqsədini daşıyır.
Rəy yaz