Azərbaycan Silahlı Qüvvələrinin kəşfiyyat qrupunun anım mərasimi
Bakı/10.04.17/Turan: Bu gün II Fəxri Xiyabanda 1997-cü il aprelin 10-da cəbhənin cənub hissəsində ermənilərin arxa cəbhəsində hərbi tapşırığın yerinə yetirilməsi zamanı qəhrəmancasına həlak olan Azərbaycan Silahlı Qüvvələrinin kəşfiyyat qrupunun xatirəsinə həsr olunan tədbir keçirilib.
8 nəfərlik kəşfiyyat qrupu xüsusi tapşırıqla düşmənin arxa cəbhəsinə göndərilib. Kəşfiyyatçıları aşkar edən qarşı tərəf onları əsir götürməyə cəhd göstərib. Qrup iki gün müdafiə olunub və qarşı tərəfin təslim olmaq təklifinin əvəzində ölümə üstünlük verib.
O vaxtadək qrup üzvlərindən biri Aqil Əhmədov ağır yaralanıb və huşsuz vəziyyətdə olub. Digər yeddi nəfər özünü qumbara ilə partladıb.
Ermənilər Aqili Əhmədovu əsir götürüblər, 23 aydan sonra dəyişmək mümkün olub.
Bu gün kəşfiyyat qrupunun üzvlərinin valideynləri və yaxınları, döyüş yoldaşları onların həlak olmasının 20 illiyini qeyd etmək üçün toplaşıblar.
Parlament deputatlarının da qatıldığı tədbirin iştirakçıları onların xatirəsinin əbədiləşdirilməsinin, valideynlərinə, yaxınlarına maddi və mənəvi yardımın göstərilməsinin vacibliyini bildiriblər.
Həmçinin hazırda əlil olan və ciddi müalicəyə ehtiyacı olan Aqil Əhmədova yardım göstərilməsi xahiş edilib.-26В-
-
- İqtisadiyyat
- 10 Aprel 2017 16:15
-
- Cəmiyyət
- 10 Aprel 2017 17:43
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz