Bakı/14.11.18/Turan: Çərşənbə günü Azərbaycan Ziyalılar İttifaqının (AZİ) ofisində "Azərbaycan siyasi məhbusların azadlığı uğrunda" yeni hüquq-müdafiıə təşkilatının təqdimatı olub.
Qurumun təsisçiləri Leyla Yunus (Sülh və Demokratiya İnstitutu), Elşən Həsənov (Siyasi Məhbusların Müdafiəsi Mərkəzi), Hilal Məmmədov ("Tolışi sado" qəzetinin baş redaktoru) və Eldəniz Quliyevdir (Azərbaycan Ziyalılar İttifaqının sədri).
Bu şəxslər həmin qurumu yaratmaqla eyni zamanda Siyasi Məhbusların Müdafiəsi Mərkəzindən (SMMM) çıxıblar.
E.Quliyev bildirib ki, SMMM-dən fərqli olaraq, yeni qurum yalnız siyasi məhbuslar məsələsilə məşğul olacaq.
Belə ki, SMMM ilə fikir ayrılığına siyasi motivlərlə təqib olunduqlarına görə Azərbaycanı tərk etmiş şəxslərin haqqında "Avropa iş" hesabatı səbəb olub.
"Biz belə hesabatın hazırlanmasının əleyhinə idik, çünkü qeyri-sağlam ajiotaj yaranmışdı. Kimin siyasi mühacir olub-olmadığını müəyyən etmək bizim işimiz deyil. Biz hüquq-müdafiə fəaliyyətilə məşğul oluruq və siyasi motivlərlə həbs olunanların hüquqlarını qoruyuruq. Odur ki, qərara aldıq ki, yeni təşkilat yaradaq və bu təşkilat ancaq siyasi motivlərin olduğu şəxslərin siyahısının tərtib edilməsi və müdafiəsi ilə məşğul olacaq", - E.Quliyev bildirib. Onun sözlərinə görə, yeni təşkilat ancaq AŞPA meyarlarına əsaslanacaq.
L.Yunus skype ilə tədbirə qatıla bilməyib, çünki "Sovet düşərgəsindən Azərbaycan həbsxanasına" kitabının Avstriyada təqdimatını keçirir.
Elşən Həsənov bildirib ki, hazırda ölkədə siyasi məhbusların sayı 150 nəfərdir. Həbsdə olan bir neçə nəfərin işi öyrənilir.
O, İttifaqın əsas vəzifələrindən biri kimi Azərbaycandakı repressiyalar, siyasi məhbuslarla vəziyyət barədə beynəlxalq birliyin məlumatlandırılmasını, onların hər biri haqda hərtərəfli məlumatın hazırlanmasını göstərib.
"Hakimiyyət vətəndaş cəmiyyətini dinləməyəndə biz beynəlxalq birliyə şikayət etməli oluruq", - o qeyd edib.
H.Məmmədov insan hüquqlarının pisləşməsinin davam etdiyini bildirib Onun sözlərinə görə, Azərbaycan bu göstərici üzrə Avropada liderdir.
"Azərbaycanda 150 siyasi məhbus var, halbuki, Belarusda bu, iki nəfərdir. Azərbaycan adambaşına düşən məhbusun sayına görə Rusiyanı da qabaqlayır. 147 milyon əhalisi olan Rusiyada 195 siyasi məhbus var", - H.Məmmədov vurğulayıb. 06D--
Cəmiyyət
-
Noyabrın 1-də paytaxtda hava tutqun olacaq, gecə və səhər bəzi yerlərdə çiskinli yağış yağacaq. Mülayim cənub-qərb küləyi əsəcək.
-
Qısa zamanda abunəçilərə altı innovativ məhsul təqdim edən “Bakcell”, reklam və marketinq dünyasının mühüm beynəlxalq müsabiqələrindən biri olan “Felis” tərəfindən “Ən Uğurlu Rebrendinq” mükafatına layiq görülüb.
-
Beynəlxalq Demokratik Yenilənmə Koalisiyası (ICDR) və Forum 2000 Fondu Azərbaycanda vətəndaş cəmiyyətinə qarşı artan təzyiqlərdən dərin narahatlıqlarını ifadə edərək birgə bəyanat yayıb. Qruplar, hökumətin vəkillər, jurnalistlər, aktivistlər və insan hüquqları müdafiəçilərinə qarşı geniş miqyaslı təzyiqləri gücləndirdiyini, ölkədə müxalif səslərin sistematik olaraq susdurulduğunu vurğulayıblar.
-
60 milyon auditoriyası ilə dünyanın 100 nüfuzlu şəbəkəsindən biri olan, təhsil və bacarıqların qiymətləndirilməsi sahəsində aparıcı beynəlxal təşkilat Times Higher Education (THE) xəbərlər buraxılışında “İqlim sammiti başlayan kimi azərbaycanlı alimin azad edilməsinə çağırışlar” başlığı ilə geniş yazı dərc edib. Hər il dünya Universitetlərinin reytinqini hazırlayan THE yazır ki, mədən yanacağı istehsalçısı dünya liderlərinin toplantısına ev sahibliyi edərkən müxaliflərə qarşı sərt tədbirlər görür. Hüquq müdafiə qrupları COP29 iqlim konfransına ev sahibliyi edən Azərbaycan hökumətini mədən yanacağı siyasətini tənqid etdikdən sonra saxlanılan alimin azad edilməsinə çağırır.
Rəy yaz