![Azərbaycan Talışları İctimai Şurası Dövlət Statistika Komitəsinin məlumatlarının səhihliyinə şübhə edir](https://turan.az/resized/media/2023/main/051900062450-750-500-resize.webp)
Azərbaycan Talışları İctimai Şurası Dövlət Statistika Komitəsinin məlumatlarının səhihliyinə şübhə edir
Bakı/19.05.23/Turan: Azərbaycan Talışları İctimai Şurası (ATİŞ) bəyanatla çıxış edərək talış xalqının sayı ilə bağlı 2019-cu il siyahıyaalmasının nəticələri barədə Azərbaycan Dövlət Statistika Komitəsinin məlumatları ilə razılaşmadığını bildirib.
ATİŞ-in bəyanatında qeyd olunur ki, 2019-cu il siyahıyaalmanın nəticələri rəsmi orqanlar, o cümlədən Dövlət Statistika Komitəsi tərəfindən geniş ictimaiyyətə açıqlanmayıb.
Onlar, sadəcə, 2022-ci ildə Azərbaycan Dövlət Statistika Komitəsinin cəmi 450 tirajla buraxılmış çoxcildli "Statistik məcmuəsi"ndə çap olunub və siyahıyaalmanın nəticələri faktiki olaraq əhalidən yarıgizli saxlanılıb, ATİŞ-in bəyanatında deyilir.
Yalnız bu ilin aprelində "Azadlıq radiosu"ndakı (Azərbaycan xidməti) nəşrlərlə əlaqədar Azərbaycan xalqlarının sayı barədə məlumatlar açıqlanıb.
Apreldə radio " Son 10 ildə Azərbaycanda etnik azlıqların sayı necə dəyişib?" başlıqlı iki material dərc edib (18 aprel, 2023-cü il)https://www.azadliq.org/a/etnik-azliqsay/32368672.html?mibextid=Zxz2cZ) və "Azərbaycanda etnik azlıqların neçə faizi öz dilində danışır” (26 aprel 2023-cü il https://www.azadliq.org/a/etnik-azliqdil/32379995.html).
"Azadlıq radiosu" birinci mətndə etnik talışların sayının 112 mindən (2009-cu il) 87 578-ə (2019-cu il) düşdüyünü, yəni 22 faiz azaldığını bildirir.
"Azadlıq radiosu" nun ikinci materialında göstərilir ki, 87 578 min talışın arasında 51 faiz Azərbaycan dilini, 49 faiz isə talış dilini ana dili kimi göstərib.
ATİŞ bu fikirləri həqiqətəuyğun hesab etmir.
ATİŞ hesab edir ki, Azərbaycanda bütün siyahıyaalmalarda talışların sayı "saxtalaşdırılıb və aşağı salınıb".
Aşağı trendin heç bir real əsası ola bilməz, çünki talışların kompakt yaşadığı cənub bölgəsində heç bir epidemiya olmayıb və talışlar arasında doğum sayı Azərbaycanın digər regionlarında olduğundan daha yüksəkdir. Üstəlik, ümumilikdə Azərbaycan əhalisinin sayı artır, ATİŞ hesab edir.
ATİŞ siyahıyaalma məlumatlarının saxtalaşdırılmasını pisləyir və bütün xalqların hüquq bərabərliyinin təmin edilməsinə çağırır.
* 1989 - cu il siyahıyaalmanın rəsmi məlumatlarına görə (SSRİ-də son siyahıyaalma) Azərbaycanda 21 169 talış, 1999-cu ildə 75 863, 2009-cu ildə112 min talış yaşayıb. – 06B-
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz