![Peter Mixalko](https://turan.az/resized/media/2023/main/051900062424-750-500-resize.webp)
Peter Mixalko
Bakıda Avropa Günü münasibətilə qəbul
Bakı/19.05.23/Turan: Mayın 18-də Avropa İttifaqının Azərbaycandakı nümayəndə heyəti Avropa Günü münasibətilə təntənəli qəbul təşkil edib.
Tədbir iştirakçılarını salamlayan missiya rəhbəri Peter Mixalko Avropa İttifaqı və Azərbaycan arasında tərəfdaşlığın inkişafını qeyd edib və bunun göstəricisi kimi qarşılıqlı səfərlərin, o cümlədən ən yüksək səviyyədə səfərlərin intensivləşdiyini göstərib.
İqtisadi əlaqələrin inkişafına toxunan Mixalko qeyd edib ki, 2024-cü ilə qədər Avropa İttifaqı fondları Azərbaycana 60 milyon avro investisiya qoyacaqlar.
Bundan əlavə, Avropa İttifaqı iqtisadi və investisiya planı hazırlayır ki, bu da iqtisadiyyatın müxtəlif sahələrinin inkişafına daha 2 milyard avroya yaxın investisiya cəlb edə biləcək.
Energetikaya toxunan Mixalko Azərbaycanın Avropaya təkcə karbohidrogen deyil, həm də "yaşıl enerji" tədarük etməsinin mümkünlüyündən danışıb. Bu istiqamətdə ilk addım Qara dənizdən sualtı kabel çəkilişi üçün saziş imzalanması olub.
Avropa İttifaqı Azərbaycanla Orta dəhliz layihəsi üzrə əməkdaşlıqda, əsasən dayanıqlı nəqliyyat sisteminin yaradılması üçün Bakı limanı ilə əməkdaşlıqda maraqlıdır.
Azərbaycan və Avropa İttifaqı tərəfdaşlıq və əməkdaşlıq haqqında hərtərəfli sazişin bağlanması üzərində işi davam etdirirlər.
Mixalko əlavə edib ki, Avropa İttifaqı Cənubi Qafqazda sabitliyin, təhlükəsizliyin və möhkəm sülhün təmin edilməsi üzrə tədbirləri də dəstəkləyir.
Öz növbəsində, Azərbaycan hökuməti adından çıxış edən Ekologiya və Təbii Sərvətlər Nazirliyinin rəhbəri Muxtar Babayev qeyd edib ki, Bakı Ermənistan-Azərbaycan münasibətlərinin normallaşdırılması prosesinə Avropa İttifaqının töhfəsini yüksək qiymətləndirir.
O, son vaxtlar Azərbaycan və Avropa İttifaqı arasında münasibətlərin yüksək inkişaf dinamikasını qeyd edib: "Bu, təkcə regionda təhlükəsizliyin təminatı məsələlərinə yox, həm də nəqliyyatın, logistika və energetikanın inkişafına aiddir", - Babayev deyib.
O həmçinin Azərbaycanla Avropa İttifaqı arasında münasibətlərdə Azərbaycan qazının Avropaya ixracının mühüm rol oynadığını qeyd edib.
"Bu, bizim münasibətlərin inkişafında yeni səhifə açdı. Avropa İttifaqı həmçinin Azərbaycanın əsas ticarət tərəfdaşıdır", - Muxtar Babayev vurğulayıb. 06B
-
- Cəmiyyət
- 19 May 2023 12:01
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz