![Açiq mənbələrdən foto.](https://turan.az/resized/media/2023/main/051900062423-750-500-resize.webp)
Açiq mənbələrdən foto.
Suriyadan 11 nəfər Azərbaycan vətəndaşı qayıdıb
Bakı/19.05.23/Turan: Mayın 18-də Azərbaycan Suriyadakı düşərgələrdə saxlanılan 11 vətəndaşı (8 qadın və 3 uşaq) repatriasiya edib, mayın 19-da Azərbaycan Xarici İşlər Nazirliyi bildirib.
Repatriasiyadan öncə həmin şəxslərin yeri, şəxsiyyəti və vətəndaşlığı müəyyən edilib, sonra onların Suriyadan Türkiyəyə keçməsi üçün tədbirlər görülüb.
Daha sonra Azərbaycanın Türkiyədəki səfirliyi həmin şəxslərə vətənə qayıtmaq üçün sənədlər və aviabiletlər verib.
Növbəti mərhələdə Azərbaycan hökuməti repatriantların sosial reabilitasiyası və cəmiyyətə reinteqrasiyası istiqamətində müvafiq tədbirlər planlaşdırır, məlumatda deyilir.
*Son illərdə Suriya və İraqdan Azərbaycana 420 vətəndaş, o cümlədən 388 uşaq və 32 qadın repatriasiya edilib.
İraqda həbsdə olan 121 azərbaycanlı qadın bu yaxınlarda günahsız olduqlarını və Azərbaycana qayıtmaq istədiklərini bildiriblər..06D
-
- İqtisadiyyat
- 19 May 2023 11:50
-
- Siyasət
- 19 May 2023 12:27
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz