Açiq mənbələrdən foto.
Bakı/07.02.23/Turan: Azərbaycan Dövlət Televiziyası - AzTV Türkiyədə dağıdıcı zəlzələ ilə əlaqədar əyləncəli verilişləri ləğv edib.
Dövlət şirkətinin press-relizində deyilir ki, AzTV, Mədəniyyət TV, İdman TV telekanallarının və dövlət radiosunun proqramlarından musiqili-əyləncəli verilişlər çıxarılıb.
Bundan başqa, dövlət televiziyası fəlakət zonasına jurnalist qrupu göndərib, həmin qrup AzTV-nin yerli bürosunun əməkdaşlarına qoşulub.
Hazırda üç çəkiliş qrupu canlı qoşulma vasitəsilə müntəzəm olaraq Kahramanmaraş, Adana və Malatya şəhərlərindən xilasetmə işləri haqqında məlumat verir.
Öz növbəsində, Audiovizual Şura (Azərbaycanda yayımı tənzimləyən orqan) ölkənin bütün telekanallarını Türkiyədə çox sayda insanın ölümü ilə nəticələnən zəlzələ ilə əlaqədar proqram səbətinə dəyişiklik etməyə çağırıb.
Sosial şəbəkələrdə yer alan məlumatlara görə, Bakıda bəzi restoranlar musiqi proqramlarını ləğv ediblər.
Türkiyədə fevralın 12-də qədər milli matəm elan edilib. 16D06
Cəmiyyət
-
Ötən gün leysan yağışları nəticəsində müqəddəs Məkkə və Mədinə şəhərlərinin küçələrini su basıb. Sel yollara və avtomobillərə ziyan vurub. Səudiyyə Ərəbistanının digər yaşayış məntəqələrini də su basıb.
-
Azərbaycanda uşaq ölümlərinin sayında artım olduğu bildirilir. Ötən il ilə bağlı rəsmi statistika hələ açıqlanmasa da, 2023-cü ildə 1 yaşınadək vəfat edən uşaqların sayı 2 min 39-a çatıb. Bu, 2022-ci illə müqayisədə 2.1 dəfə çoxdur. 1000 diri doğulan körpələrin ümumi sayında 1 yaşınadək vəfat edənlər 18.1 nəfər (1.8 faiz) təşkil edib.
-
Yanvarın 8-də Bakıda və Abşeron yarımadasında yağış yağacaq, bəzi yerlərdə intensiv olacaq. Günorta yağıntı kəsiləcək. Cənub-şərq küləyi əsəcək. Havanın temperaturu gecə 4-8, gündüz 8-11 dərəcə olacaq. Nisbi rütubət 75-85% təşkil edəcək.
-
Könüllülər Yeni il ərəfəsində “Bölüşək, sevindirək!” adlı növbəti xeyriyyə təşəbbüsünü həyata keçiriblər Dünya Azərbaycanlılarının Həmrəyliyi Günü və Yeni il münasibətilə “Azercell Könüllüləri” ənənəvi xeyriyyə aksiyası keçirib. “Bölüşək, sevindirək!” şüarı ilə təşkil olunan bu kampaniya çərçivəsində Könüllülər İkinci Vətən müharibəsinin şəhid və qazi ailələrinin, eləcə də aztəminatlı ailələrin uşaqlarını ziyarət edib və onlara bayram hədiyyələri təqdim ediblər. Ümumilikdə 200-dən çox uşağa bayram hədiyyələri çatdırılıb.
Rəy yaz