![Açiq mənbələrdən foto.](https://turan.az/resized/media/2022/main/070600047913-750-500-resize.webp)
Açiq mənbələrdən foto.
Azərbaycan Türkiyə ilə quru sərhədini niyə bağlayıb?
Naxçıvan/06.07.22/Turan: İyulun 1-dən etibarən Naxçıvan Muxtar Respublikasının İran və Türkiyə ilə quru sərhədlərinin bağlanması haqqında qərar təkcə region əhalisinin deyil, həm də bütünlükdə Azərbaycan vətəndaşlarının həyatına mənfi təsir göstərib.
Hakimiyyət öz qərarını karantin rejiminin qüvvədə olması ilə əsaslandırır, amma koronavirusa yoluxma səviyyəsi indikindən xeyli çox olduğu bir vaxtda sərhəd açıq idi.
İran və Türkiyə ilə quru əlaqəsi Naxçıvan sakinlərinin ayda bir dəfə qonşu ölkələrin sərhəddə yerləşən bölgələrinə gedib, ucuz qiymətə ərzaq məhsulları və zəruri malları almasına imkan verirdi. Buna görə yerli sakinlər hesab edirlər ki, sərhədlərin bağlanmasından dövlət məmurlarına məxsus olan böyük ticarət mərkəzləri uduşlu çıxır.
Bundan başqa, bir çox insanlar Naxçıvana ucuz aviasiya uçuşundan istifadə edərək, aşağı qiymətə Türkiyəyə getmək imkanından məhrum olub. İndi, yüksək tələbat olduğu bir şəraitdə bütün istiqamətlərdə aviabiletlərin qiyməti astronomik məbləğlərə çatır. Belə ki, Bakı-İstanbul-Bakı uçuşu 600-700 manata başa gəlir. Buna görə çoxları avtomobillə Naxıvana, oradan isə təyyarə ilə Bakıya gəlirdilər. Aviabiletin qiymətinin 60 manat olduğunu nəzərə alaraq, səfər sərfəli olurdu. İndi Bakı-Naxçıvan reyslərinin sayı gündə 10 reysdən 4 reysə qədər azaldılıb.
Əvəzində, sərhədin bağlanması Bakıdan Türkiyənin şəhərlərinə reyslərin doluluğunu artıracaq və bundan AZAL qazanacaq.
Bir çox müşahidəçilər hesab edirlər ki, NMR sərhədlərinin bağlanması qərarı Azərbaycanın mülki aviasiyasının gəlirlərinin artırılmasını təmin etmək və pandemiyanın kəskin fazası dövründəki itkilərin yerinin doldurulmasını təmin etmək məqsədinə xidmət edə bilər. 06B
-
- Xəzər hövzəsi
- 6 İyul 2022 12:50
-
- Bazarların icmalı
- 6 İyul 2022 13:27
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz