![Azərbaycan vətəndaş cəmiyyətinin vəziyyəti pisləşməkdə davam edir](https://turan.az/resized/750/500/resize/media/2016/main/072700163664.jpg)
Azərbaycan vətəndaş cəmiyyətinin vəziyyəti pisləşməkdə davam edir
2014-cü ildə Azərbaycanda vətəndaş cəmiyyətinə qarşı başlamış misli görünməmiş repressiyalar 2015-ci ildə daha da güclənib. Hökumət tənqidi səsləri cinayət işlərinin açılması, dindirmələr, cərimələr, axtarışlar, ölkədən çıxma qadağaları və bank hesablarına qoyulan həbslərlə də boğub.
Bütün bunlar haqqında bu gün dərc edilmiş USAID (ABŞ Beynəlxalq İnkişaf Agentliyi) tərəfindən ekspert sorğusu əsasında hazırlanmış "2015-ci ildə vətəndaş cəmiyyəti təsisatlarının sabit inkişaf indeksi - Azərbaycan" adlı hesabatda deyilir.
Hesabata əsasən, bir çox QHT-lər fəaliyyətlərini xeyli məhdudlaşdırmaq məcburiyyətində qalıblar, özünüsenzura tətbiq ediblər, ictimai vəkillik üzrə işləri məhdudlaşdırıblar.
Bunun nəticəsi olaraq, 2015-ci ilin aprelində beynəlxalq Mədən Sənayesində Şəffaflıq Təşəbbüsündə Azərbaycanın statusu tamhüquqlu üzvlükdən namizədə qədər azaldılıb. Vətəndaş cəmiyyəti atmosferinin pisləşməsi dünyada neft qiymətlərinin kəskin şəkildə ucuzlaşması fonunda baş verib, bu, ölkədə iqtisadi çöküşə və il ərzində milli valyutanın iki dəfə devalvasiyasına gətirib çıxarıb.
Parlament seçkiləri müxalifətin bir hissəsi tərəfindən boykot edilib, ATƏT DTİHB hökumətin tətbiq etdiyi məhdudiyyətlərlə əlaqədar seçkilərin monitorinqini aparmaqdan imtina edib.
QHT-lərin "hüquqi mühiti" reytinqi 2013-cü illə müqayisədə 7 ballıq sistem üzrə 5.6 baldan 6.4 bala qədər pisləşib. Əsas problemlər arasında QHT-lərin qeydiyyatından əsassız imtinalar təcrübəsinin davam etməsi, habelə Nazirlər Kabinetinin xarici donorların və beynəlxalq QHT nümayəndəliklərinin işini çətinləşdirən yeni qaydaları var.
Həmçinin "təşkilati imkanlar" (5.7) və "maliyyə imkanları" (6.3) meyarları üzrə reytinq azaldılıb. Bu, bir sıra beynəlxalq qurumların ölkədən məcburi gedişi ilə bağlıdır. Xüsusən, vətəndaş cəmiyyətinə dəstək layihələri həyata keçirən ATƏT-in Bakı ofisi bağlanıb.
Həmçinin, Oxfam, Counterpart İnternational, World Vision və Save the Children Azərbaycanı məcburi tərk edib. Bir çox yerli QHT-lər qrant almağın faktiki olaraq qadağan edilməsi ilə əlaqədar vəsait olmadığına görə fəaliyyəti dayandırıblar.
Bununla belə, "ictimai vəkillik" reytinqi azalıb, 5.9 təşkil edib. Elə həmin səbəbdən QHT-lərin "ictimai xidmətlərinin həcmi azalıb, bu göstərici üzrə reytinq 5.9 təşkil edib. "İnfrastruktur" göstəricisi də pisləşib və 5.5 təşkil edib. Belə ki, maliyyə resursları məhdud olduğuna görə regional ictimai internet mərkəzləri bağlanıb. Hökumətyönlü KİV-lərin QHT-lər ətrafında yaratdığı mənfi mühit nəticəsində vətəndaş cəmiyyətinin "ictimai imic" göstəricisi də 5.7-yə qədər azalıb. Ölkədə vətəndaş cəmiyyəti təşkilatlarının ümumi sabit inkişaf indeksi 2014-cü il ilə müqayisədə bir neçə bənd pisləşərək (5.1) 2015-ci ildə 5.8 təşkil edib. -06D-
-
- İqtisadiyyat
- 27 İyul 2016 17:34
-
- İqtisadiyyat
- 27 İyul 2016 17:41
Cəmiyyət
-
Ədalət Naminə Həmrəylik Komitəsinin təşəbbüsü ilə təşkil edilən, Azərbaycanda insan hüquqları vəziyyətinə həsr olunmuş vətəndaş cəmiyyəti fəallarının onlayn görüşündə jurnalistlərin, siyasi fəalların və müharibəyə qarşı çıxanların həbsi ilə bağlı ciddi narahatlıqlar vurğulandı. Avqustun 30-da keçirilən bu toplantı Beynəlxalq İtkin Düşənlərin Anım Günü ilə üst-üstə düşdü və Qarabağ müharibələrindən sonra həm Azərbaycan, həm də Ermənistan cəmiyyətlərinin qarşılaşdığı davamlı çətinlikləri diqqətə çatdırdı.
-
Sentyabrın 1-də Bakıda və Abşeron yarımadasında hava yağıntısız olacaq. Şimal-qərb küləyi gündüz cənub-şərq küləyi ilə əvəz olunacaq. Havanın temperaturu gecə müsbət 21+26, gündüz müsbət 33+38 dərəcə olacaq, Milli Hidrometeorologiya Xidməti bildirib.
-
Ölkənin aparıcı mobil operatoru "Milli və müasir" rəqəmsal muzeyini təqdim edir Azercell milli dəyərlərimizi müasir texnologiyalar vasitəsilə yaşatmaq, onları geniş auditoriyaya tanıtmaq və gələcək nəsillərə çatdırmaq məqsədilə "Milli və müasir" rəqəmsal muzeyi layihəsini təqdim edir. Bu innovativ təşəbbüs sənət və texnologiyanı birləşdirərək şirkətin hər iki sahəyə olan dəstəyini bir daha vurğulayır.
-
Bakının Suraxanı rayonu ərazisində sənaye zonasında bir obyektdə yanğın başlayıb. Yanğının söndürülməsinə FHN-in Dövlət Yanğından Mühafizə Xidmətinin qüvvələri cəlb olunub.
Rəy yaz