Açiq mənbələrdən foto.
Bakı/09.03.23/Turan: Almaniyada təhsil alan azərbaycanlı tələbə Fərid Səfərli İranda itkin düşüb. Bu barədə Turana onun anası Əsgərova Dilarə məlumat verib.
Onun sözlərinə görə, 1997-ci il təvəllüdlü oğlu Azərbaycan Diplomatik Akademiyası İqtisadiyyat fakultəsinin, eyni zamanda Friedrich-Schiller-Universität magistr dərəcəli məzunudur. "Bir müddət əvvəl Fərid kimliyi mənə məlum olmayan İran İslam Respublikası vətəndaşı Almaniyanın Jena şəhərinə praktika üçün gəlmiş bir xanımla tanış olub və daha sonra İrana səfər etmişdir".
D.Əsgərova qeyd edib ki, Fəridin fevral ayının 20-də İrana getmək üçün Almaniyadan çıxdığı ehtimal olunur. "Bu barədə heç kimə məlumat vermədiyi üçün tarixlə bağlı dəqiq məlumatımız yoxdur. Mart ayının 4-də Almaniyadakı ev yoldaşlarına İranda olduğunu bildirmiş, kartının işləmədiyini və ona bilet almalarını xahiş etmişdir. O gündən sonra Fəriddən bir daha xəbər alınmayıb".
O, qeyd edib ki, tələbənin bileti Tehran - İstanbul - Berlin reysi üçün alınıb, amma o, Türkiyəyə giriş etmədi. "Məhz buna görə İranda saxlandığını düşünürük".
Dilarə Əsgərova Almaniyada və Azərbaycanda müvafiq qurumlara müraciət olunduğunu bildirib. "Beş gün keçməsinə baxmayaraq, Fəriddən heç bir məlumat yoxdur".
Məsələ ilə bağlı Xarici İşlər Nazirliyindən Turana bildirilib ki, məlumat araşdırılır, lakin hələlik qurumda heç bir məlumat yoxdur. -0-
Cəmiyyət
-
"Təhsil sahəsinin ən böyük problemi komplektləşdirilmiş məktəblərin sayının az olmasıdır". Yerli saytların məlumatına görə, bunu noyabrın 20-də Milli Məclisin Aqrar siyasəti, Ailə, qadın və uşaq məsələləri, Elm və təhsil komitələrinin birgə iclasında "...2025-ci il dövlət büdcəsi haqqında" qanun layihəsinin müzakirəsində elm və təhsil naziri Emin Əmrullayev deyib.
-
İnnovasiya və sürət lideri “Bakcell”in təşkilatçılığı ilə “Süni İntellektlə Dayanıqlılıq” mövzusunda panel müzakirəsi keçirilib. Tədbirə spiker qismində “Bakcell”in Marketinq direktoru Elxan Sadıqzadə, “PwC Azərbaycan”ın Məsləhət xidmətləri departamentinin rəhbəri Fərid Qattal və İnnovasiya və Rəqəmsal İnkişaf Agentliyinin İnnovasiyalar üzrə rəhbəri Evgeniya Bikmurzina qatılıblar. Müzakirələr “Bakcell”in Korporativ kommunikasiyalar və ictimaiyyətlə əlaqələr üzrə direktoru Aysel Süleymanovanın moderatorluğu ilə baş tutub.
-
Şənbə günü Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağmursuz keçəcəyi gözlənilir. Gecə və səhər bəzi yerlərdə duman olacaq. Şimal-qərb küləyi gündüz mülayim cənub-şərq küləyi ilə əvəz olunacaq.
-
Mumbai-Münhen reysi üzrə uçuş həyata keçirən Lufthansa hava yolu şirkətinə məxsus təyyarə çərşənbə günü səhər saatlarında sərnişinlərdən birinin sağlamlıq vəziyyətinin qəfil pisləşməsi səbəbindən Heydər Əliyev Beynəlxalq Hava Limanında təcili eniş edib.
Rəy yaz