Azərbaycan zəvvarları Həcc ziyarətinə oktyabrın 3-dən yola düşürlər. Bu haqda Turan-a Qafqaz Müsəlmanları İdarəsinin şöbə müdiri Müqəddəs Payızov bildirib.
Ziyarət səfərləri təyyarələr vasitəsilə olacaq. Bu məqsədlə 14 təyyarə reysinin həyata keçirilməsi gözlənilir. Zəvvarlar oktyabrın 3-dən başlayaraq 5 gün ərzində Səudiyyə Ərəbistanına aparılacaqlar. Bu il Azərbaycandan 3 mindən bir qədər çox zəvvarın ziyarətə yola düşməsi gözlənilir. Təyyarələr Ciddə aeroportuna enəcək.
Suriyada, İraqda silahlı toqquşmalar baş verdiyi üçün Azərbaycan tərəf artıq 3 ildən çoxdur ki, avtobuslarla Həcc ziyarətinə getməyə son verib.
Bu il Həcc ziyarətinə getmək üçün zəvvarlar 3750 manatla 4100 manat arasında vəsait ödəyiblər. Bu məbləğə bütün xidmətlər (qidalanma, oteldə qalmaq və s.) daxildir. Həcc ziyarətinin əməllərinin başa vuran hacılar vətənə qayıtmaq üçün artıq Ciddə deyil, Mədinə aeroportlarından istifadə edəcəklər.
Zəvvarların səhhətlərinin nəzarətdə saxlanması üçün onlarla birgə həkim briqadası yola düşür. Həcc ziyarəti müddətində isə lazım gələrsə təcili yardım göstərilməsi üçün kiçik həcmli tibb məntəqəsi yaratmaq nəzərdə tutulur.
Həcc ziyarətinin ən son nöqtəsi olan qurban kəsilməsi bu il oktyabrın 15-16-na təsadüf edir ki, bu da bütün islam dünyasında Qurban bayramı (eyd-ül-Əzha (Böyük bayram) kimi qeyd edilir.
Həcc ziyarəti “Quran-i-Kərim”in hökmlərindən biridir. Hər müsəlman vəsaiti imkan verirsə ömründə bir dəfə Həcc ziyarətində olmalıdır. Həcc ziyarətinin indi əmələ gətirilən əməlləri Həqqin bəşərə son peyğəmbəri olan Mühəmməd (ə.s.s.)-ın 632-ci ildə yerinə yetirdiyi əməllərin toplusu olaraq qalır.-05B-
Cəmiyyət
-
Sentyabrın 15-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağmursuz keçəcəyi gözlənilir. Lakin səhər bəzi şəhərətrafı ərazilərdə qısamüddətli yağış yağacağı ehtimalı var. Mülayim şimal-şərq küləyi əsəcək. Havanın temperaturu gecə müsbət 19+22, gündüz müsbət 26+29 dərəcə olacaq, Milli Hidrometeorologiya Xidməti bildirib.
-
2024-cü ilin ilk yeddi ayında Azərbaycan narkotik maddə asılılığına, narkotik və psixotrop maddələrin qanunsuz dövriyyəsinə qarşı mübarizəni gücləndirdi və Dövlət Narkomaniya və Narkotik Vasitələrin Qanunsuz Dövriyyəsinə Qarşı Mübarizə Komissiyasının daimi işçi qrupu tərəfindən bu sahədə əhəmiyyətli nəticələr əldə olunduğu bildirildi. Komissiya tərəfindən aparılan geniş təhlillər ölkənin narkotik maddələrə qarşı mübarizəsində həm uğurlar, həm də davam edən problemləri üzə çıxardı.
-
Tanınmış ictimai xadim, Müharibə, Əmək və Silahlı Qüvvələr Veteranları Təşkilatının sədri Fatma Hüseyn qızı Səttarova 102 yaşında vəfat edib.
-
2024-cü ilin ilk yeddi ayında Azərbaycanda cinayətkarlığın kəskin azalması qeydə alınıb və bu, ölkənin ictimai təhlükəsizliyi artırmaq və hüquq-mühafizə orqanlarının səmərəliliyini yüksəltmək istiqamətindəki səylərinin əhəmiyyətli bir nailiyyəti hesab olunur. Daxili İşlər Nazirliyinin məlumatına görə, 2024-cü ilin yanvar-iyul aylarında 18,518 cinayət qeydə alınıb ki, bu da 2023-cü ilin eyni dövrü ilə müqayisədə 21,7% azdır.
Rəy yaz