Açiq mənbələrdən foto.
Bakı/05.11.21/Turan: Azərbaycanda qarşıdakı dörd gün iş günü olmayacaq. Noyabrın 6-7-dən sonra ayın 8 və 9-u da qeyri-iş günləri olacaq.
Noyabrın 8-də Azərbaycanda ötən ilin payızında 44 günlük İkinci Qarabağ Müharibəsində qələbə münsibətilə Zəfər Günü qeyd olunur.
8 noyabr 2020-ci il tarixində Azərbaycan ordusu Şuşa şəhərini azad edib ki, bu da müharibənin nəticəsində həlledici rol oynayıb və iki gündən sonra düşməni kapitulyasiyaya məcbur edib.
Noyabrın 10-na keçən gecə Azərbaycan, Ermənistan və Rusiya liderlərinin üçtərəfli bəyanatı imzalanıb. Sənəddə hərbi əməliyyatların nəticələri əksini tapıb. Bu əməliyyatlar nəticəsində Azərbaycan Füzuli, Cəbrayıl, Zəngilan, Qubadlı rayonlarını, həmçinin Hadrut qəsəbəsi daxil olmaqla Xocavənd rayonunun xeyli hissəsini, Şuşa şəhərini, Qarabağın şimalında Suqovuşan və Talış qəsəbələrini işğalçılardan tamamilə azad edib. Bundan əlavə, sazişin şərtlərinə əsasən, Ermənistan qoşunları Ağdam, Kəlbəcər, Laçın (Ermənistan və Xankəndini birləşdirən yol boyunca 5 kilometrlik zolaq istisna olmaqla) rayonlarından çıxarılıb.
Noyabrın 9-da isə Azərbaycanda Bayraq Günü qeyd olunur. 1918-ci il həmin gün Azərbaycan Xalq Cümhuriyyətinin (1918-ci il) bayrağı qəbul edilib. Aypara və səkkizguşəli ulduzlu üçrəngli bayraq (göy, qırmızı, yaşıl ) çağdaş Azərbaycan Respublikasının dövlət bayrağıdır.—06D
Cəmiyyət
-
Beynəlxalq Demokratik Yenilənmə Koalisiyası (ICDR) və Forum 2000 Fondu Azərbaycanda vətəndaş cəmiyyətinə qarşı artan təzyiqlərdən dərin narahatlıqlarını ifadə edərək birgə bəyanat yayıb. Qruplar, hökumətin vəkillər, jurnalistlər, aktivistlər və insan hüquqları müdafiəçilərinə qarşı geniş miqyaslı təzyiqləri gücləndirdiyini, ölkədə müxalif səslərin sistematik olaraq susdurulduğunu vurğulayıblar.
-
60 milyon auditoriyası ilə dünyanın 100 nüfuzlu şəbəkəsindən biri olan, təhsil və bacarıqların qiymətləndirilməsi sahəsində aparıcı beynəlxal təşkilat Times Higher Education (THE) xəbərlər buraxılışında “İqlim sammiti başlayan kimi azərbaycanlı alimin azad edilməsinə çağırışlar” başlığı ilə geniş yazı dərc edib. Hər il dünya Universitetlərinin reytinqini hazırlayan THE yazır ki, mədən yanacağı istehsalçısı dünya liderlərinin toplantısına ev sahibliyi edərkən müxaliflərə qarşı sərt tədbirlər görür. Hüquq müdafiə qrupları COP29 iqlim konfransına ev sahibliyi edən Azərbaycan hökumətini mədən yanacağı siyasətini tənqid etdikdən sonra saxlanılan alimin azad edilməsinə çağırır.
-
Cümə axşamı paytaxtda hava tutqun olacaq, səhər az yağış yağa bilər. Mülayim cənub-şərq küləyi əsəcək. Havanın temperaturu gecə müsbət 8 +10, gündüz müsbət 12 + 15 dərəcə olacaq. Rütubət gecə və gündüz rütubət 65-75 faiz olacaq.
-
Noyabrın 12-də Bakıda Birləşmiş Millətlər Təşkilatının (BMT) İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasında (COP29) liderlərin toplantısı başlayıb. "Euronews" telekanalı BMT-dəki mənbələrə istinadən bildirir ki, tədbirdə 100-ə yaxın dövlət başçısı iştirak edir.
Rəy yaz