Bakı/25.09.19/Turan: Ekologiya və Təbii Sərvətlər Nazirliyi hava haqqında operativ məlumat vermək üçün yeni meteo.az saytını yaradıb. Bu barədə bugünki mətbuat konfransında Ekologiya Nazirliyinin Milli Hidrometeorologiya Departamentinin direktoru Umayra Tağıyeva bildirib.
Onun sözlərinə görə, meteo.az saytı Azərbaycan əhalisinə və arzu edən hər kəsə gözlənilən hava şəraiti haqqında doğru məlumat almaq imkanı verəcək.
Saytda faktiki hava şəraiti haqqında məlumat, Bakı, ölkə regionları üzrə həftəlik hava təxmini yer alacaq.
100 ildən çox müşahidə dövrünü əhatə edən meteoroloji məlumatlar əsasında rekord qiymətlər - temperaturun mütləq maksimum və minimumu haqqında məlumat yerləşdiriləcək.
Həmçinin, fermerlər üçün aqrometeoroloji icmallar, tibbi-meteoroloji təxminlər və meteohəssas insanlar üçün xəbərdarlıqlar, ölkənin avtomobil yolları üzrə meteoroloji məlumatlar, yay dövründə isə çimərliklərlə bağlı meteoroloji məlumatlar təqdim ediləcək.
İlin soyuq dövründə saytda qış kurortlarında şərait haqqında məlumat yerləşdiriləcək.
Görmə problemi olan insanlar üçün səsli proqnozlar təqdim ediləcək. -06D-
Cəmiyyət
-
Sentyabrın 15-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağmursuz keçəcəyi gözlənilir. Lakin səhər bəzi şəhərətrafı ərazilərdə qısamüddətli yağış yağacağı ehtimalı var. Mülayim şimal-şərq küləyi əsəcək. Havanın temperaturu gecə müsbət 19+22, gündüz müsbət 26+29 dərəcə olacaq, Milli Hidrometeorologiya Xidməti bildirib.
-
2024-cü ilin ilk yeddi ayında Azərbaycan narkotik maddə asılılığına, narkotik və psixotrop maddələrin qanunsuz dövriyyəsinə qarşı mübarizəni gücləndirdi və Dövlət Narkomaniya və Narkotik Vasitələrin Qanunsuz Dövriyyəsinə Qarşı Mübarizə Komissiyasının daimi işçi qrupu tərəfindən bu sahədə əhəmiyyətli nəticələr əldə olunduğu bildirildi. Komissiya tərəfindən aparılan geniş təhlillər ölkənin narkotik maddələrə qarşı mübarizəsində həm uğurlar, həm də davam edən problemləri üzə çıxardı.
-
Tanınmış ictimai xadim, Müharibə, Əmək və Silahlı Qüvvələr Veteranları Təşkilatının sədri Fatma Hüseyn qızı Səttarova 102 yaşında vəfat edib.
-
2024-cü ilin ilk yeddi ayında Azərbaycanda cinayətkarlığın kəskin azalması qeydə alınıb və bu, ölkənin ictimai təhlükəsizliyi artırmaq və hüquq-mühafizə orqanlarının səmərəliliyini yüksəltmək istiqamətindəki səylərinin əhəmiyyətli bir nailiyyəti hesab olunur. Daxili İşlər Nazirliyinin məlumatına görə, 2024-cü ilin yanvar-iyul aylarında 18,518 cinayət qeydə alınıb ki, bu da 2023-cü ilin eyni dövrü ilə müqayisədə 21,7% azdır.
Rəy yaz