![Azərbaycanda İnsan Hüquqları Evinin yeni üzvləri](https://turan.az/resized/750/500/resize/media/2017/main/121900006324.jpg)
Azərbaycanda İnsan Hüquqları Evinin yeni üzvləri
Bakı/19.12.17/Turan: Üç müstəqil hüquq müdafiə təşkilatı beynəlxalq İnsan Hüquqları Evi Fondu (HRHF) təşkilatının Azərbaycanda yeni əsas qrupunu təşkil edir.
Qrupa Şəhla İsmayılın rəhbərlik etdiyi Rasional İnkişaf Uğrunda Qadınlar Assosiasiyası, İntiqam Əliyevin rəhbərlik etdiyi Hüquq Maarifçiliyi Cəmiyyəti, Anar Məmmədlinin rəhbərlik etdiyi Seçkilərin Monitorinqi və Demokratiya Mərkəzi daxil olub. Bu barədə dekabrın 19-da humanrightshouse.org saytı məlumat yayıb.
Məlum olduğu kimi, 15 sentyabr 2017-ci il tarixində HRHF qeyri-hökumət təşkilatlarına HRH Azerbaijan əsas qrupunun tərkibində iştirak etmək üçün ərizə verilməsi haqqında açıq çağırış edib. Əsas qrup ölkə daxilində Evin idarə edilməsinə və strategiyasının hazırlanmasına görə cavabdehdir.
10 təşkilat ərizə verib və ciddi seçim prosesindən sonra üç təşkilatın HRH-Azerbaijan-ın meyarlarına tamamilə uyğun olduğu müəyyən olunub.
HRH-Azerbaijan 2007-ci ildə HRHF-nin beynəlxalq filialı kimi yaradılıb. Ev Bakının mərkəzində dialoq, insan hüquqları məsələləri ilə bağlı müzakirələr və maariflənmə üçün şərait yaradıb. Azərbaycan Ədliyyə Nazirliyi 2011-ci ilin martında HRHF-nin ölkədə bütün fəaliyyətini dayandırmasını tələb edib.
Məlumatda deyilir ki, HRHF ölkə daxilində Evin fəaliyyətini bərpa etmək üçün Azərbaycan hakimiyyəti ilə konstruktiv qarşılıqlı əlaqələr siyasətini davam etdirib. -0-
Cəmiyyət
-
Ədalət Naminə Həmrəylik Komitəsinin təşəbbüsü ilə təşkil edilən, Azərbaycanda insan hüquqları vəziyyətinə həsr olunmuş vətəndaş cəmiyyəti fəallarının onlayn görüşündə jurnalistlərin, siyasi fəalların və müharibəyə qarşı çıxanların həbsi ilə bağlı ciddi narahatlıqlar vurğulandı. Avqustun 30-da keçirilən bu toplantı Beynəlxalq İtkin Düşənlərin Anım Günü ilə üst-üstə düşdü və Qarabağ müharibələrindən sonra həm Azərbaycan, həm də Ermənistan cəmiyyətlərinin qarşılaşdığı davamlı çətinlikləri diqqətə çatdırdı.
-
Sentyabrın 1-də Bakıda və Abşeron yarımadasında hava yağıntısız olacaq. Şimal-qərb küləyi gündüz cənub-şərq küləyi ilə əvəz olunacaq. Havanın temperaturu gecə müsbət 21+26, gündüz müsbət 33+38 dərəcə olacaq, Milli Hidrometeorologiya Xidməti bildirib.
-
Ölkənin aparıcı mobil operatoru "Milli və müasir" rəqəmsal muzeyini təqdim edir Azercell milli dəyərlərimizi müasir texnologiyalar vasitəsilə yaşatmaq, onları geniş auditoriyaya tanıtmaq və gələcək nəsillərə çatdırmaq məqsədilə "Milli və müasir" rəqəmsal muzeyi layihəsini təqdim edir. Bu innovativ təşəbbüs sənət və texnologiyanı birləşdirərək şirkətin hər iki sahəyə olan dəstəyini bir daha vurğulayır.
-
Bakının Suraxanı rayonu ərazisində sənaye zonasında bir obyektdə yanğın başlayıb. Yanğının söndürülməsinə FHN-in Dövlət Yanğından Mühafizə Xidmətinin qüvvələri cəlb olunub.
Rəy yaz