Azərbaycanda qidanın keyfiyyəti çox pisdir

Azərbaycanda qidanın keyfiyyəti lazımi səviyyədə deyil. Beynəlxalq Oxfam Birliyinin qlobal qida üzrə indeksindən belə nəticəyə gəlinir. Araşdırmanın aparıldığı 125 ölkə arasında  Azərbaycan ümumi göstəricilərə görə 98-ci yeri tutub və sağlam qidanın dərəcəsimə görə öz qonşularıdan geri qalır.

2013-cü il üzrə araşdırmalarda əsasən qidanın miqdarı, məhsulların qiymətləri (sakinlər normal qidalana bilirmi), qidanın keyfiyyəti, rasion ilə bağlı xəstəliklərin səviyyəsi (diabet, piylənmə) nəzərdən keçirilir. Ölkə qidanın yetərincə olması üzrə göstəriciyə görə 70-ci, qidanın əlverişli olması üzrə 67, keyfiyyəti üzrə 83, diabet və piylənmənin göstərisi üzrə 92-ci yeri tutub.

Ən yaxşı vəziyyət Hollandiyadadır  - 1-ci yer. Ondan sonra Fransa və İsveçrə, Avstriya, Belçika, Danimarka, İsveç, Avstraliya, İrlandiya, İtaliya, Lüksemburq və Portuqaliya gəlir.

Ən pis göstərici Çad Respublikasındadır. Ölkə 125-ci yeri tutub. Ondan öndə Anqola, sonra Efiopiya, Madaqaskar, Yəmen, Nigeriya, Burundi, Mozambik, Zimbabve, Syerra-Leone gəlir.

Əhalinin daha çox piylənməyə məruz qaldığı ölkə Avstriyadır. Ən çox diabet xəstələri isə Səudiyyə Ərəbistanında aşkarlanıb.

Ən əlverişli qida ABŞ-dadır, Burundidə isə əhalinin 67%-i yeməkdən tam doymur. Hindistan uşaqların çəkisinin standartlara uyğun olmamasına görə birinci yeri tutur. Belə uşaqlar 44% təşkil edir. –0—