Sumqayıt polisi “Nəfəs LGBT” Azərbaycan Alyansının rəhbəri Atilla (Cavid) Nəbiyevə qarşı fiziki və psixoloji zorakılıq, həmçinin onun şərəf və ləyaqətinin alçaldılması faktı üzrə cinayət işi qaldırıb.
İş A.Nəbiyevin Sumqayıt Şəhər Polis İdarəsinin rəis müavini Süleyman Neymətov və təhqiqat şöbəsinin rəhbəri Bəhruz Hacıyev ilə görüşündən sonra qaldırılıb.
Görüş zamanı A.Nəbiyev homoseksual insanların hüquqlarının pozulduğunu, seksual azlıqların nümayəndələrinin fiziki və psixoloji zorakılığa məruz qaldığını bildirib. O deyib ki, etimadın olmaması, anonimliyin təmin edilməməsi səbəbindən mühafizə orqanlarına müraciət edə bilmirlər.
A.Nəbiyev rəhbərlik etdiyi alyansın fəaliyyətinə görə ona
qarşı edilən hədə -qorxular, şərəf-ləyaqətinin təhqir edilməsi, fiziki güc tətbiq edilməsi hallarından da danışıb. Onun fikrincə, bu cür halların qarşısının alınmaması və səbəbkarların cəzalandırılmaması nifrət cinayətlərinin artmasına səbəb olur.
S.Neymətov öz növbəsində bildirib ki, polis vətəndaşların dini, cinsi, siyasi baxışından asılı olmayaq onların müdafiə olunmaq hüququnu təmin edir. Bu barədə “Nəfəs” birliyinin məlumatında deyilir. -0-
Cəmiyyət
-
Azərbaycanın quru sərhədlərinin bağlı saxlanmasından Milli Məclisin noyabrın 25-də keçirilən iclasında da bəhs edilib. Nazirlər Kabinetinin qərarında bu hal artıq ötən ildən Ümumdünya Səhiyyə Təşkilatının başa çatdığını elan etdiyi koronovirus pandemiyası ilə izah olunsa da, Milli Məclisin İnsan hüquqları komitəsinin sədri Zahid Oruc başqa səbəb göstərib. "Sərhədlərin açılması Rusiya-Ukrayna müharibəsindən 100 minlərlə qeyri-azərbaycanlı qaçqınların ölkəmizə axını ilə nəticələnəcək. O cümlədən, İranda hərbi zərbələrdən canını və sərvətlərini qorumaq üçün 100 minlərlə insan Azərbaycana keçməyə hazırdır. Belə qaçqın dalğasının gətirdiyi humanitar, sosial, mədəni fərqlərin toqquşması siyasi sabitliyi təhdid edə bilər", - o vurğulayıb.
-
Çərşənbə axşamı Baş Prokurorluq xaricdəki gəlirlərini gizlədən kənd təsərrüfatı məhsulları ixracçıları barəsində açılan yeni cinayət işləri haqqında məlumat yayıb.
-
Noyabrın 27-də Bakının və Abşeron yarımadasının bəzi yerlərində arabir leysan xarakterli yağış yağacağı gözlənilir, bu barədə sinoptiklər məlumat yayıb. Yarımadanın ayrı-ayrı yerlərində intensivləşəcəyi, şimşək çaxacağı ehtimalı var. Mülayim şimal-qərb küləyi əsəcək. Havanın temperaturu gecə 7-9 dərəcə, gündüz 9-12 dərəcə isti olacaq. Nisbi rütubət 80-90 faiz təşkil edəcək.
-
Çərşənbə axşamı paytaxtda yağış gözlənilir, bəzi yerlərdə intensiv olacaq, şimşək çaxacaq. Mülayim şimal-qərb küləyi əsəcək. Proqnozlara görə, yağışlı hava çərşənbə axşamına qədər davam edəcək.
Rəy yaz