Açiq mənbələrdən foto.
Bakı/29.08.20/Turan: Azərbaycan hökuməti xüsusi karantin rejiminin sentyabrın 30-na qədər uzadılması haqqında qərar qəbul edib.
Cəlilabad, Gəncə, Masallı, Mingəçevir, Yevlax şəhərləri, Bərdə, Goranboy, Göygöl, Xaçmaz və Salyan rayonları sərtləşdirilmiş karantin rejiminin tətbiqi zonasından çıxarılır, bu barədə Nazirlər Kabineti yanında Operativ Qərargahın məlumatında deyilir.
Yoluxma səviyyəsinin yüksək olması ilə əlaqədar Bakıda, Sumqayıtda və Abşeron rayonunda daha əvvəl tətbiq edilmiş yumşaltmalarla ciddi karantin rejimi davam edəcək. Bu bölgələrdə əvvəlki kimi istirahət günləri ictimai nəqliyyat işləməyəcək.
Bununla belə, bütün ölkədə muzey və sərgi zallarının fəaliyyətinə qoyulmuş məhdudiyyət götürülür.
Bundan başqa, fərdi təhsil və 10 nəfərə qədər qruplarla repetitorluq xidmətlərinə icazə verilir.
Sanitar-epidemioloji vəziyyətin təhlilindən sonra rayonlararası hərəkətin tamamilə açılması məsələsinə baxılacaq. -06D-
Cəmiyyət
-
Bu ay Bakıda Laser Beauty Clinic özəl klinikasında ixtisassız həkimlər tərəfindən qanunsuz cərrahi əməliyyatların aparılması halları aşkar edilib. Nəticələr barədə Səhiyyə Nazirliyinin Analitik Ekspertiza Mərkəzi bildirib. Mərkəz vətəndaşların şikayətlərindən sonra klinikada yoxlama aparıb.
-
Turana bu barədə məlumatı məhkəmədən təsdiq ediblər. Belə ki, yazıçı Sürəyya Ağayeva tərəfindən xüsusi ittiham qaydasında Cinayət Məcəlləsinin 147.2 (böhtan) və 148-ci (təhqir) maddələri ilə məhkəməyə verilib. Onun barəsində başqa yerə getməmək haqqında iltizam alındığı deyilir.
-
Hərbi ekspert, dövlət telekanallarının daimi qonağı Ədalət Verdiyevə qarşı hərbi sirrin açıqlanması üzrə ciddi ittiham irəli sürülüb. Bu ittihamla (Cinayət Məcəlləsinin 308-ci maddəsi) əgər günahkar açıqlamanın qərəzsizliyini sübut edərsə, 3-7 il həbs cəzasına məhkum edilə bilər. Ağırlaşdırılmış halda cəzanın müddəti 4-8 il azadlıqdan məhrumetmə ola bilər.
-
Noyabrın 28-də Bakıda və Abşeronda yağış yağacağı gözlənilir, Milli Hidrometeorologiya Xidmətinin sinoptikləri bildiriblər. Lakin Bakıda yağışla bağlı bugünkü proqnoz özünü doğrultmayıb.
Rəy yaz