Azərbaycanın dağlarına qar yağıb

Bakı/05.10.23/Turan: Milli Hidrometeorologiya Xidməti Azərbaycan ərazisində oktyabrın 5-i saat 10:00-a olan faktiki hava hava şəraitilə bağlı vəziyyəti açıqlayıb.

Məlumata görə, ölkə ərazisində hava şəraiti qeyri-sabit keçib, şimşək çaxıb, arabir leysan xarakterli yağış yağıb, bəzi yerlərdə intensiv və güclü olub.

Şahdağ, Qoşqar (Daşkəsən) və Gədəbəyin dağlıq ərazilərinə qar yağıb.

Şahdağda qar örtüyünün hündürlüyü 16 sm olub.

Məlumata görə, ölkənin əksər rayonlarına yağış yağıb. Yağıntının miqdarı Lənkəranda 90 mm, Göyçayda 53 mm, İsmayıllıda (İvanovka) 52 mm, Lerikdə 49 mm, Astara, Yardımlıda 44 mm, Biləsuvarda 34 mm (aylıq normanın 74%-i), Zərdabda 34 mm, Balakəndə 32 mm, Bakıda və Abşeron yarımadasında isə 1 mm-dək olub.

Şimal-qərb küləyi arabir Bakıda və Abşeron yarımadasında 18 m/s-dək güclənib.

Neft Daşları stansiyasının məlumatına əsasən, dalğanın hündürlüyü 3.2 metrə çatıb.

Ölkə ərazisində müşahidə olunan qeyri-sabit, yağıntılı və küləkli hava şəraiti oktyabrın 5-i gündüzədək davam edəcək.

Oktyabrın 6-da havanın sabit, əksər rayonlarda əsasən yağmursuz keçəcəyi, mülayim cənub-şərq küləyi əsəcəyi gözlənilir. 0