Azərbaycanlı alpinistlərdən ibarət qrup Azərbaycan alpinizminin tarixində ilk dəfə Avropanın ən yüksək zirvəsinə - Elbrus dağına (5646 m.) qalxmaq üçün iqlimə uyğunlaşma ilə bağlı hazırlıq işlərini başa çatdırıblar.
Komandanın lideri Firuz Dadaşov Turan-a bildirib ki, alpinistlər son bir neçə günü dağlarda keçiriblər, müxtəlif yüksəkliklərə qalxıblar.
Texniki baxımdan mürəkkəb olmayan Elbrus dağına qıs mövsümündə qalxmaq çətin olur. Belə ki, güclü külək və şaxta nəinki qalxmanı, həm də uzun müddət marşrutda qalmanı çətinləşdirir.
Son günlər idmançılar bir neçə dəfə 4700 metrədək yüksəkliyə qalxıblar və dincəlmək, havanın yaxşı olmasını gözləmək üçün aşağı eniblər.
“Fevralın 1-dək zirvəyə uğurla qalxacağımıza ümid edirik”, - F.Dadaşov bildirib.
Qeyd edək ki, komandada Everesti fəth edən ilk azərbaycanlı İsrafil Aşurlu da var.
Komandanın üçüncü üzvü Əhməd Əliyev F.Dadaşovla birlikdə 2016-cı ilin yayında Cənubi Uşbaya qalxıb. -02В-
Cəmiyyət
-
Fevralın 6-da Bakıda və Abşeron yarımadasında günün birinci yarısında bəzi yerlərdə çiskinli yağış yağacaq. Arabir güclənən şimal-qərb küləyi əsəcək.
-
Azərbaycanda yaxın günlərdə temperaturun kəskin enməsi və ölkə ərazisində fırtınalı, yağıntılı hava şəraitinin müşahidə olunacağı gözlənilir. Milli Hidrometeorologiya Xidməti bazar ertəsi bildirib ki, bəzi ərazilərdə intensiv yağıntılar, dağlıq və dağətəyi rayonlarda qar yağışı, yolların buz bağlaması və güclü külək proqnozlaşdırılır.
-
İnnovasiya və sürət lideri “Bakcell” prestij və fərqliliyi sevən müştəriləri üçün xüsusi olaraq 100 seriyalı nömrələrini təqdim edir. Yeni seriya çərçivəsində müştərilər “055 100 XX XX” formatında unikal nömrələr əldə edə biləcəklər.
-
Vəkil Aslan İsmayılov, Ali Məhkəmənin və Məhkəmə-Hüquq Şurasının sədri İnam Kərimova ictimai müraciət edərək, ölkənin məhkəmə sistemində təcili islahatlar aparılmasını tələb edib. İsmayılov, məhkəmələrdəki sistematik korrupsiya və prosedur pozuntularının ictimai narazılığı artırdığını və bunun gələcəkdə daha geniş etirazlara səbəb ola biləcəyini xəbərdarlıq edib.
Rəy yaz