Azərbaycanın müxtəlif KİV-lərinin 15 nümayəndəsi Avropa İnsan Hüquqları Məhkəməsinin işi ilə tanış olmaq üçün Strasburqa yola düşüb.
Səfər Avropa İttifaqı və Avropa Şurasının sponsorluq etdiyi “Azərbaycan jurnalistləri arasında ifadə azadlığı” proqramı çərçivəsində təşkil edilib, deyə Avropa Qonşuluq Proqramının məlumatında bildirilir.
Nümayəndə heyətinin üzvləri Avropa Şurasının müxtəlif qurumlarının ifadə azadlığı sahəsində təcrübəsi, jurnalistlərin müdafiəsi, Avropa İnsan Hüquqları Məhkəməsinin qərar çıxarması təcrübəsi və xüsusən Azərbaycana aid qərarlarla tanış olacaqlar.
Bu proqram Şərq Tərəfdaşlığı Proqramının üzvü olan altı ölkədə həyata keçirilir və təcrübə mübadiləsi və bu dövlətlərdə vətəndaş institutlarının potensialının möhkəmləndirilməsi, insan hüquqları, demokratiya və qanunun aliliyi sahəsində islahatlara yönəlib. -02D-
Cəmiyyət
-
Azərbaycanda yaxın günlərdə temperaturun kəskin enməsi və ölkə ərazisində fırtınalı, yağıntılı hava şəraitinin müşahidə olunacağı gözlənilir. Milli Hidrometeorologiya Xidməti bazar ertəsi bildirib ki, bəzi ərazilərdə intensiv yağıntılar, dağlıq və dağətəyi rayonlarda qar yağışı, yolların buz bağlaması və güclü külək proqnozlaşdırılır.
-
İnnovasiya və sürət lideri “Bakcell” prestij və fərqliliyi sevən müştəriləri üçün xüsusi olaraq 100 seriyalı nömrələrini təqdim edir. Yeni seriya çərçivəsində müştərilər “055 100 XX XX” formatında unikal nömrələr əldə edə biləcəklər.
-
Vəkil Aslan İsmayılov, Ali Məhkəmənin və Məhkəmə-Hüquq Şurasının sədri İnam Kərimova ictimai müraciət edərək, ölkənin məhkəmə sistemində təcili islahatlar aparılmasını tələb edib. İsmayılov, məhkəmələrdəki sistematik korrupsiya və prosedur pozuntularının ictimai narazılığı artırdığını və bunun gələcəkdə daha geniş etirazlara səbəb ola biləcəyini xəbərdarlıq edib.
-
Sərhəd axtarışı və əməliyyat tədbirləri nəticəsində yanvar ayının 30-da saat 11:20-də "Göytəpə" sərhəd dəstəsinin xidməti ərazisində 16,4 kq narkotik vasitə (11 kq 300 qram marixuana, 5 kq 100 qram tiryək) və 1990 ədəd narkotik tərkibli güclü təsiredici metadon M - 40 həbinin qaçaqmalçılıq yolu ilə İrandan Azərbaycana ərazisinə keçirilməsinin qarşısı alınıb.
Rəy yaz