![Azərbaycanlı şairlərin azad olunması tələbilə aksiya keçirilib](https://turan.az/resized/750/500/resize/media/2012/main/080600006920.jpg)
Azərbaycanlı şairlərin azad olunması tələbilə aksiya keçirilib
İranda həbs olunmuş azərbaycanlı şairlərin azad edilməsi tələbilə bu ölkənin Bakıdakı səfirliyinin qarşısında keçirilən aksiyada onlarla jurnalist iştirak edib.
Aksiya Reportyorların Azadlıq və Təhlükəsizlik İnstitutunun təşəbbüsü ilə keçirilib. Aksiyada müxtəlif KİV nümayəndələri iştirak ediblər.
Təşkilatçılar bununla bağlı müraciət etsələr də, hakimiyyət piketə icazə verməyib.
Aksiya iştirakçıları səfirliyin 10 metrliyində polis tərəfindən saxlanılıb, lakin polis aksiyanın keçirilməsinə mane olmayıb. Piketçilər aksiyanın qətnaməsini oxuyublar və onu səfirliyə təqdim ediblər. Sənəddə deyilir ki, İranda həbs olunmuş gənc ədiblər Fərid Hüseyn və Şəhriyar Hacızadə Bakı və Tehran arasında qarşıdurmanın girovuna çevrilib. Azərbaycanda həbs olunmuş İran KİV-nin müxbirləri də analoji vəziyyətə düşüblər.
“Biz İran hakimiyyətini söz azadlığına hörmətlə yanaşmağa və heç bir qanunu pozmayan, sərhəddin keçilməsi qaydalarının pozulması kimi uydurma ittihamla saxlanılan azərbaycanlı ədibləri azad etməyə çağırırıq”, - sənəddə vurğulanır.
Xatırladaq ki, ədiblər mayın 2-də Tehrandan Bakıya gələrkən Təbrizdə saxlanılıblar. Avqustun 7-də Təbrizdə onların məhkəməsi olacaq.
Rəsmi Bakı İran XİN-ə beş nota göndərərək onların azad olunmasını tələb edib Yalnız bir həftə öncə İran hakimiyyəti Azərbaycanın Təbrizdəki konsulluğunun işçisinin həbs olunanlara baş çəkməsinə icazə verib. -03V-
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz