Bakı/13.10.17/Turan: İraqda İŞİD-dən xilas edilən və orada uşaq evində saxlanılan 4 yaşlı Abdulla ötən axşam Azərbaycana gətirilib. Abdullanın anası İraqda həlak olub. Uşağın barəsində bir ay öncə sosial şəbəkələrdə yayılan videomaterialdan məlum olub.
Bundan sonra Azərbaycanın İraqdakı səfirliyinin əməkdaşları bu məsələ ilə məşğul olublar və onların müşayiəti ilə Abdulla Bakıya gətirilərək qohumlarına verilib.
Azərbaycan XİN-in rəsmi nümayəndəsi Hikmət Hacıyev bildirib ki, digər azərbaycanlı uşaqların da müəyyən olunması və ölkəyə gətirilməsi ilə bağlı iş davam edir.
"Uşağın ölkədən çıxarılması üçün ilk olaraq identifikasiya işləri aparılmalıdır. Bundan sonra İraq hökumətinin razılığı olmalıdır", - H.Hacıyev qeyd edib.
Xatırladaq ki, sosial şəbəkələrdə İŞİD-dən təmizlənmiş ərazilərdəki sığınacaqların birindən kadr yayımlanıb. Uşaqların arasında 2 yaşlı Xədicə və 3 yaşlı Abdulla olub. Bundan sonra XİN-in vasitəsilə axtarış işlərinə başlanılıb.
Azərbaycan xüsusi xidmətinin məlumatına görə, Suriya və İraqda müharibə başlayandan 900 nəfər Azərbaycan vətəndaşı İŞİD-ə qoşulub. Onların 151 nəfəri Azərbaycan vətəndaşlığından məhrum edilib.-06D-
Cəmiyyət
-
Bakıda keçirilən COP29 konfransı mübahisələr və tənqidlərin kölgəsində başa çatdı. Tanınmış tarixçi Cəmil Həsənli bu tədbiri Prezident İlham Əliyevin rəhbərliyi altında Azərbaycanın idarəçilik problemlərinin parlaq əks olunması kimi xarakterizə etdi. Administrasiyanın qatı tənqidçisi olan Həsənli, COP29-u bahalı bir tamaşa adlandıraraq sistemli çatışmazlıqları üzə çıxardığını və Azərbaycanın siyasi və iqtisadi strukturlarına beynəlxalq diqqəti artırdığını vurğuladı.
-
Avropa Parlamenti Prezidenti Roberta Metsola azərbaycanlı iqtisadçı və siyasi məhbus, professor Qubad İbadoğlunu 2024-cü il Saxarov Mükafatı təqdimetmə mərasimində iştirak etmək üçün Strasburqa dəvət edib. Dəvət məktubu COP29 iqlim konfransı zamanı Avropa Parlamenti üzvü Maykl Bloss tərəfindən çatdırılıb. Lakin İbadoğlu hazırda ev dustaqlığında olduğu və Azərbaycandan çıxmasına qadağa qoyulduğu üçün dəvəti qəbul edə bilmir.
-
İstanbul Hava Limanında həyata keçirilən bir əməliyyat, diplomatik münasibətlərdə sarsıntı yarada biləcək bir hadisəni üzə çıxardı. Azərbaycan hərbi attaşesi olduğu iddia edilən Kəhrəman Şamil oğlu Məmmədov, 70 kiloqram qızıl ilə saxlanıldı. Türkiyə KİV-in məlumatına görə, Məmmədovun diplomat olması ilə bağlı açıqlamalarına baxmayaraq, hadisənin qızıl qaçaqmalçılığı ilə bağlı olduğu güman edilir.
-
Sərin bir noyabr axşamı, Bakının sakinləri Xəzər dənizinin sahilində toplaşaraq, sahilə vurulmuş nəhəng bir balinanın bədənini heyrətlə izlədilər. 16 metr uzunluğunda olan bu məxluqun cansız görünən forması və kəskin qoxusu bir çoxlarına ekoloji faciənin şahidi olduqlarını düşündürdü. Lakin bu gecə sirli qonaq artıq yox idi – yük platformasına yüklənərək hava limanına aparılmışdı.
Rəy yaz