Azərbaycanlı zəvvar ürəktutmasından vəfat edib (YENİLƏNİB)

Məkkədə Həcc ziyarətində olan zəvvar Fəxrəddin Zeynalov sentyabrın 24-də vəfat edib.

Onun dünən Mina dağında yaşanan və müsəlmanların kütləvi ölümü və yaralanması ilə sonuclanan izdihamlı hadisə ilə əlaqəsi yoxdur.

F.Zeynalov ürəktutmasından vəfat edib.-05D- 

2015 Sentyabr 24 (Cümə axşamı) 20:00:23

Məkkə yaxınlığında basabas qurbanı olan zəvvarlar arasında Azərbaycan vətəndaşı yoxdur. Bu barədə Turan-a Qafqaz Müsəlmanları İdarəsindən bildirilib. Belə ki, faciə baş verəndə artıq azərbaycanlı zəvvarlar Mina vadisini keçiblər.

Məkkə ətrafında Mina vadisində zəvvarlar arasında yaranan basabas qurbanlarının sayı  717 nəfərə çatıb. Bu barədə Səudiyyə Ərəbistanı Mülki Müdafiə İdarəsi məlumat verib. “Mina vadisində yaralananların sayı 805 nəfərə çatıb, 717 nəfər ölüb”, - qurumun rəsmi Twitter səhifəsində bildirilir.

Öncə xəbər verilmişdi ki, hadisə nəticəsində 453 nəfər həlak olub, 719 nəfər yaralanıb.  –0--