Milli Şura AŞPA nümayəndə heyətinin Azərbaycanda seçkiqabağı durumla bağlı yaydığı bəyanatı “Azərbaycanda diktatura və avtoritarizmin himayədarı qismində hazırlaması” sayaraq nümayəndə heyətinə etimadsızlıq ifadə edib.
Müəlliflərə görə, bəyanatda AŞPA təmşilçiləri ölkədəki seçkiöncəsi durumu obyektiv təsvir etməyiblər, daha çox rəsmi Bakının mövqeyini ifadə ediblər. Bu səbəbdən Milli Şura AŞPA nümayəndə heyətinin mövqeyinə etimadsızlıq ifadəsi olan bəyanat yayıb.
Bəyanatda AŞPA nümayəndə heyətinin cəmi 4 nəfərdən ibarət olmasının ölkə cəmiyyəti üçün etimadlı tərkibdə olmamaq kimi dəyərləndirilir. Ona görə də bu 4 nəfərin adından yayılan bəyanatın birtərəfli və hökumətin istəyinə uyğun olacağı “gözlənilən” hesab edilir.
Müəlliflər nümayəndə heyətinin yaydığı sənəddə ölkədə 100 nəfərə qədər siyasi dustağın olmasını qeyd etmədyini, seçki komissiyalarının hakim partiyanın nəzarəti altında olmasını, ölkədə azad mətbuatın demək olar ki, tamamilə sıradan çıxarılması haqda qeydlərin olmadığını nəzərə çatdırırlar. Milli Şuranın seçkiləri boykot etməsi, ATƏT/DTİHB arasında anlaşılmazlığın nədən ibarət olması kimi səbəblərin bəyanatda yer almamasına toxunulu.
Müəlliflərə görə, sənəddə “son beş ilə seçki demokratiyası sahəsində irəliləyişlərin olması” kimi ifadə yalandan başqa bir şey deyil.Seçkilərdə müxaliflərin təqibə məruz qalmaları kimi çoxsaylı faktların olması bir kənara qoyularaq “heç bir qanun pozuntusu” kimi ifadənin işlədilməsinə diqqət çəkilir və bu mövqe beynəlxalq ictimai rəyi çaşdırmağa xidmət kimi dəyərləndirilir.
Milli Şura AŞPA nümayəndə heyətinin bu açıqlamasını “kürü diplomatiyası”nın aşkar təzahürü hesab edir. Heyətin tərkibinə daxil olan Xordi Xuklaya (İspaniya), Aleksandr Nikolskiyə (Makedoniya), Egemen Bağışa (Türkiyə) və Aqustin Kondeyə (İspaniya) tam etimadsızlıq göstərdiyini bildirir.
Milli Şura bildirir ki, AŞPA nümayəndə heyəti Azərbaycandakı seçkiqabağı durumla bağlı açıqlamanı ölkədə “diktatura və avtoritarizmin himayədarı qismində hazırlayıb”.-05D-
Siyasət
-
Noyabrın 23-də Bakıda BMT-nin İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasının (COP29) keçirildiyi məkanda müxtəlif ölkələrdən olan ekofəlallr liderlərin kifayət qədər iqlim maliyyəsi ödənilməsi barədə razılığa gələ bilməməsinə etiraz olaraq aksiya keçirib.
-
Bakıda COP29 iqlim konfransının bağlanışı ərəfəsində Beynəlxalq Jurnalistləri Müdafiə Komitəsi Azərbaycanda həbs olunmuş jurnalistlərin cinayət işlərinə diqqəti yönəldib.
-
Bakıda keçirilən BMT-nin İqlim Dəyişikliyi üzrə Çərçivə Konvensiyasının (UNFCCC) 29-cu sessiyası üzrə danışıqlar 24 noyabr tarixinə qədər uzadılıb. Bu barədə UNFCCC Katibliyindən bir mənbə Turan informasiya agentliyinə məlumat verib. Mənbənin sözlərinə görə, iştirakçılar həmin tarixə qədər yekun sənədləri razılaşdırıb imzalamağı planlaşdırırlar.
-
Türkiyənin “Sabah” qəzetinin məlumatına görə, İstanbul prokurorluğunun Qaçaqmalçılığa Qarşı Mübarizə İdarəsinin əməkdaşları Azərbaycan vətəndaşını böyük miqdarda qızılla saxlayıblar.
Rəy yaz