![Azercell-i Bakı Süni İntellekt Forumunda “Aicell” təmsil etdi](https://turan.az/resized/news/2024/u6fzIDJY0UXWEakq71ru3KcL4RuapgHDojZcenhC-750-500-resize.webp)
Azercell-i Bakı Süni İntellekt Forumunda “Aicell” təmsil etdi
Azercell-i Bakı Süni İntellekt Forumunda “Aicell” təmsil etdi
Rəy liderləri və sənaye mütəxəssislərini bir araya gətirən Bakı Süni İntellekt Forumunda yeni texnologiyaların transformasiya potensialı müzakirə olundu. Tədbir iştirakçıları süni intellektin ən son tendensiyaları, tətbiqi və inkişaf perspektivlərini özündə əks etdirən təqdimatlarla tanış oldular, panel müzakirələri və interaktiv seminarlara qatıldılar.
Azercell-in Müştəri Xidmətləri və Omni-Kanal İdarəetmə departamentinin direktoru Səbinə Zamanova çıxışında süni intellektin telekommunikasiya sahəsində tətbiqi və xüsusilə də müştərilər ilə birbaşa ünsiyyətdə istifadə imkanlarını gündəmə gətirdi. S.Zamanova Azercell-in Azərbaycanın telekommunikasiya sahəsində bir ilkə imza ataraq süni intellekt əsasında istifadəyə vermiş “Aicell” Virtual Assistent xidməti haqqında məlumat verdi. Azərbaycan dilində tam spektr xidmət göstərən “Aicell”in abunəçiləri operatorlara yönləndirmədən bir çox sorğuları dərhal yerinə yetirmə xüsusiyyəti forum iştirakçılarının diqqətini çəkdi. Belə ki, müştəri sorğularını operativ şəkildə emal edən Virtual Assistent daha qısa müddət ərzində daha çox müraciətin cavablandırılmasına, həmçinin müştərilərin vaxtına qənaət edilməsinə dəstək olur.
Azercell “Bağlantını asanlaşdırır, həyatı daha dolğun edirik” strateji məqsədinə sadiq qalaraq yeni texnologiyaların tətbiqi ilə müştəri təcrübəsinin təkmilləşdirilməsi istiqamətində fəaliyyətini davam etdirir. ®
-
- Cəmiyyət
- 7 İyun 2024 17:45
-
- Söz istəyirəm
- 7 İyun 2024 18:00
Cəmiyyət
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
-
İyulun 27-də Bakıda hava dəyişkən olacaq. Abşeronda bəzi yerlərdə yağış yağacaq. Şimal-qərb küləyi əsəcək.
-
Xalq artisti Ağadaş Ağayev Azərbaycan Cinayət Məcəlləsinin 221.3-cü maddəsi ilə silah tətbiq etməklə xuliqanlıqda ittiham olunub.
Rəy yaz