Açiq mənbələrdən foto.
Bakı/30.07.20/Turan: Bağlanmış 4 bankın - “AtaBank”, “AGBank”, “Amrahbank” və “NBCBank”ın əmanətçilərindən ibarət bir qrup cümə axşamı ölkənin Mərkəzi Bankı qarşısında etiraz aksiyası keçirməyə cəhd ediblər.
İlin əvvəllərində AMB banklara depozit qəbulunu dayandırmaq barədə xəbərdarlıq edib, amma onlar buna məhəl qoymayaraq, saxlamaq üçün əmanət qəbul etməyə davam ediblər. Banklar ləğv edildikdə isə heç kim əmanətçilərin pulunu qaytarmayıb. Vətəndaşlar qeyd edirlər ki, banklar onlara əmanətlərinin sığortalandığı barədə müqavilələr verib.
Nazirlər Kabineti məsələnin nizamlanması üçün qanunvericiliyi təfsir etmək xahişi ilə Konstitusiya Məhkəməsinə müraciət edib.
KM iyulun 28-də məsələyə baxıb, amma qərar elan edilməyib və bu gün aksiya iştirakçıları prosesin nəticəsinin onlara bildirilməsini tələb ediblər.
“Biz hüquqi dövlətdə yaşayırıq, biz prezidentə inanırdıq. Bizə deyirdilər ki, pulunuzu evdə saxlamayın, biz də pulumuzu banklara gətirdik. Mənim əmanətim sığortalanmışdı, indi isə pulumu qaytarmırlar”, deyə aksiya iştirakçılarından biri bildirib.
AMB sədrinin birinci müavini Alim Quliyev deyib ki, Konstitusiya Məhkəməsi məsələyə baxıb. “Bayram günləri nəzərə alınmaqla və 10 gündən gec olmayaraq Konstitusiya Məhkəməsi qərar qəbul edəcək və bu qərar vətəndaşların xeyrinə olacaq”, deyə o bildirib.
Öz növbəsində, “Amrahbank”ın əmanətçiləri bildiriblər ki, nədənsə bu bankla bağlı məsələ Konstitusiya Məhkəməsinə çıxarılmayıb.
“Mərkəzi Bank və Əmanətlərin Sığortalanması Fondu yalnız üç bankla bağlı Konstitusiya Məhkəməsinə müraciət edib, amma, axı dörd bank bağlanıb. Bizim pulumuz Amrahbank-da batıb. Niyə əmanətçilərin bir hissəsinə qarşı ayrı-seçkilik edirlər? Bizim günahımız nədir?”.
Polis toplaşanları dağılmağa çağırıb və aksiya insidentsiz başa çatıb. -21D-
Cəmiyyət
-
Avropa Parlamenti Prezidenti Roberta Metsola azərbaycanlı iqtisadçı və siyasi məhbus, professor Qubad İbadoğlunu 2024-cü il Saxarov Mükafatı təqdimetmə mərasimində iştirak etmək üçün Strasburqa dəvət edib. Dəvət məktubu COP29 iqlim konfransı zamanı Avropa Parlamenti üzvü Maykl Bloss tərəfindən çatdırılıb. Lakin İbadoğlu hazırda ev dustaqlığında olduğu və Azərbaycandan çıxmasına qadağa qoyulduğu üçün dəvəti qəbul edə bilmir.
-
İstanbul Hava Limanında həyata keçirilən bir əməliyyat, diplomatik münasibətlərdə sarsıntı yarada biləcək bir hadisəni üzə çıxardı. Azərbaycan hərbi attaşesi olduğu iddia edilən Kəhrəman Şamil oğlu Məmmədov, 70 kiloqram qızıl ilə saxlanıldı. Türkiyə KİV-in məlumatına görə, Məmmədovun diplomat olması ilə bağlı açıqlamalarına baxmayaraq, hadisənin qızıl qaçaqmalçılığı ilə bağlı olduğu güman edilir.
-
Sərin bir noyabr axşamı, Bakının sakinləri Xəzər dənizinin sahilində toplaşaraq, sahilə vurulmuş nəhəng bir balinanın bədənini heyrətlə izlədilər. 16 metr uzunluğunda olan bu məxluqun cansız görünən forması və kəskin qoxusu bir çoxlarına ekoloji faciənin şahidi olduqlarını düşündürdü. Lakin bu gecə sirli qonaq artıq yox idi – yük platformasına yüklənərək hava limanına aparılmışdı.
-
Noyabrın 25-dən etibarən COP29 konfransı iştirakçılarına ayrılmış xüsusi avtomobil zolaqları öz eksklüziv statusunu itirəcək və bütün nəqliyyat vasitələri üçün açıq olacaq. Bu barədə Yerüstü Nəqliyyat Agentliyi (AYNA) məlumat yayıb.
Rəy yaz