![“Bakcell”in dəstəyi ilə qadınlar üçün İKT üzrə təlimlər başladı](https://turan.az/resized/news/2024/eJ1WgB1buXJtx9clpqeH5jsLTjfY6ZaBcft5epfI-750-500-resize.webp)
“Bakcell”in dəstəyi ilə qadınlar üçün İKT üzrə təlimlər başladı
“Bakcell”in dəstəyi ilə qadınlar üçün İKT üzrə təlimlər başladı
“Bakcell” şirkətinin dəstəyi ilə qadınların İKT üzrə bilik və bacarıqlarının artırılmasına yönəlmiş xüsusi təqaüd proqramı davam edir. Proqram çərçivəsində iki ay müddətində baş tutacaq ixtisas təlimlərinə start verilib.
“Maya Hacıyeva adına İKT bacarıqları” təqaüd proqramı “Women in Tech” (WIT) beynəlxalq təşkilatı və Təhsilin İnkişafı Fondunun (TİF) birgə təşkilatçılığı, “Bakcell” şirkətinin dəstəyi ilə həyata keçirilir. Seçim mərhələsini uğurla keçmiş 15-45 yaş aralığında olan xanımlar iki ay ərzində UX/UI dizayn, kibertəhlükəsizlik, rəqəmsal marketinq və digər ixtisaslara yiyələndikdən sonra işlə təmin olunacaqlar.
"Təqaüd proqramına dəstək göstərməkdə əsas məqsədimiz Azərbaycan xanımları arasında informasiya texnologiyaları sektoruna dair məlumatlılıq səviyyəsini yüksəltmək, onları gələcəkdə bu sahə üzrə karyera qurmağa həvəsləndirməkdir. Şirkətimiz özünü inkişaf etdirməyə həvəsli olan xanımlara hər zaman dəstək göstərməyə hazırdır", - deyə “Bakcell”in baş icraçı direktoru Klaus Müller bildirib.
Azərbaycanın ilk riyaziyyatçı qadın alimi Maya Hacıyevanın adına olan təqaüd proqramı 2023-cü ildə təsis edilib. Proqramın məqsədi cəmiyyətin inkişafında bilavasitə rolu olan qadınların gələcəyin peşələrinə yiyələnərək iqtisadi azadlıqlarını əldə etmələrinə, öz arzularını reallaşdırmağa dəstək göstərməkdir.
Qadınların təhsil və məşğulluq imkanlarının artırılması “Bakcell” şirkətinin korporativ sosial məsuliyyət (KSM) strategiyasının əsas istiqamətlərindən biridir. Şirkət bu sahədə təşəbbüsləri dəstəkləməyi və daha da genişləndirməyi planlayır. ®
Cəmiyyət
-
İyulda Azərbaycan Ordusunun mühəndis qoşunlarının bölmələri 1184 hektardan artıq ərazini minalardan təmizləyib. Bu barədə çərşənbə günü Azərbaycan Müdafiə Nazirliyi məlumat yayıb.
-
Artıq müştərilər almaq istədikləri nömrənin satışa çıxarılmasını gözləmədən onu sifariş edə biləcəklər Azercell 31.07.2024 tarixindən etibarən "Nömrə sifarişi" xidmətini təqdim edir. Belə ki, müştərilər istədikləri nömrənin satışa çıxarılmasını gözləmədən www.azercellim.com-un yeni funksiyası üzərindən Azercell nömrəsinin satışa hazırlanmasını sifariş edə biləcəklər. Onu da qeyd edək ki, nömrə sifarişi xidməti tamamilə ödənişsizdir.
-
Azərbaycandan Avropa Şurasının Parlament Assambleyasına (AŞPA) ölkədə sentyabrın 1-də keçiriləcək parlament seçkilərini müşahidə etmək üçün rəsmi dəvət göndərilməyib. Azərbaycan Xarici İşlər Nazirliyinin (XİN) sözçüsü Ayxan Hacızadə deyib ki, onlar 7 beynəlxalq təşkilata dəvət göndəriblər: “ATƏT Demokratik Təsisatlar və İnsan Haqları Bürosu, Müstəqil Dövlətlər Birliyi, İslam Əməkdaşlıq Təşkilatı, GUAM, Qoşulmama Hərəkatı Gənclər Təşkilatı, Şanxay Əməkdaşlıq Təşkilatı, Türk Dövlətləri Təşkilatı XİN-in dəvət etdiyi təşkilatlardır”.
-
Bakının Qaradağ rayonundan yeni köçkün qrupu Şuşa şəhərinə gedib, Qaçqınların və Məcburi Köçkünlərin İşləri üzrə Dövlət Komitəsi bildirib. Şuşanın yetmiş doqquz sakini, o cümlədən 21 ailə doğma şəhərə qayıdıb.
Rəy yaz