Azal aviaşirkətinin 24 yanvar tarixli "London-Bakı" reysi bir gün gecikməli həyata keçiriləcək.
Reysə xidmət etmək üçün Londona yeni bort işçiləri qrupu göndərilib, bu barədə Turan-a Azal-ın mətbuat xidmətinin rəhbəri Paşa Kəsəmənski bildirib.
O qeyd edib ki, reysin bütün sərnişinləri Azal hesabına oteldə yerləşmə və qidalanma ilə təmin edilib.
Polis tərəfindən saxlanılan bort işçilərinin işi Azərbaycanın Böyük Britaniya səfirliyinin nəzarətindədir.
* * *
Yanvarın 24-də Azərbaycan Hava Yolları (Azal) aviaşirkətinin Bakı-London reysi həyata keçirilərkən kifayət qədər qəribə hadisə baş verib.
Sərnişinlərin biri həddindən artıq çox alkoqollu içki içib, reysin digər sərnişinləri bunun şahidi olub. Xəbəri Azal QSC-nin mətbuat xidməti yayıb.
Uçuş zamanı o, "bort işçilərinin dəfələrlə ona əlavə alkoqol porsiyaları vermək tələblərinə imtina cavablarından hədsiz narazılıq" ifadə edib, deyə Azal qeyd edir.
Reysə tamamlandıqdan sonra Hitrou aeroportunda London polisinə guya bort işçilərinin reys sərnişininə qarşı ləyaqətsiz davranışı haqqında şikayət daxil olub.
Şikayət olunan bort işçiləri bütün hallar araşdırılana qədər Hitrou aeroportunun polisi tərəfindən saxlanılıb.
Azal hadisə ilə bağlı öz mövqeyini açıqlamır. Sərnişinin hansı ölkənin vətəndaşı olduğu bildirilmir. -08D-
Cəmiyyət
-
Azərbaycanın Rəqəmsal İnkişaf və Nəqliyyat Nazirliyi faktiki olaraq təsdiqləyib ki, Prezident İlham Əliyevin rəsmi təyyarəsi “Bakı-1” 25 dekabr tarixində Müstəqil Dövlətlər Birliyinin (MDB) qeyri-rəsmi sammitində iştirak etmək üçün Sankt-Peterburqa uçuş zamanı xarici texniki müdaxiləyə məruz qalıb. Bu açıqlama, hadisənin detalları və Rusiya hava məkanında GPS siqnalının itirilməsi ilə bağlı xəbərlər fonunda diqqət mərkəzinə düşüb.
-
Yardımlı rayonunun İranla sərhədində 20 kiloqram narkotik vasitə və psixotrop maddə aşkarlanıb. Bu barədə Daxili İşlər Nazirliyinin mətbuat xidmətinin Lənkəran regional qrupu bildirib.
-
Fevralın 6-da Bakıda və Abşeron yarımadasında günün birinci yarısında bəzi yerlərdə çiskinli yağış yağacaq. Arabir güclənən şimal-qərb küləyi əsəcək.
-
Azərbaycanda yaxın günlərdə temperaturun kəskin enməsi və ölkə ərazisində fırtınalı, yağıntılı hava şəraitinin müşahidə olunacağı gözlənilir. Milli Hidrometeorologiya Xidməti bazar ertəsi bildirib ki, bəzi ərazilərdə intensiv yağıntılar, dağlıq və dağətəyi rayonlarda qar yağışı, yolların buz bağlaması və güclü külək proqnozlaşdırılır.
Rəy yaz