Açiq mənbələrdən foto.
Bakı/09.04.22/Turan: Bakı Şəhər İcra Hakimiyyəti Azərbaycan Demokratiya və Rifah Partiyasının (ADRP) aprelin 12-də saat 16.00-da Bakıda RF səfirliyi qarşısında piket keçirmək niyyəti haqqında bildirişinə rədd cavabı verib.
Aksiyanın "Ukraynada müharibəni dayandırın!", "Hərbi cinayətləri dayandırın!", "Buça və Ukraynanın digər yerlərində kütləvi qətllər törədən Rusiya hərbiçiləri sülhməramlı ola bilməz!", "Rusiya ordusu Qarabağdan çıxarılmalıdır!" şüarları altında keçirilməsi planlaşdırılırdı.
Amma meriya epidemioloji vəziyyətlə əlaqədar piketin keçirilməsini məqsədəuyğun hesab etməyib. Partiya hakimiyyətin dəlillərini əsassız hesab edir, belə ki, pandemiya ilə əlaqədar kütləvi tədbirlərin keçirilməsinə qoyulmuş bir çox məhdudiyyətlər çoxdan ləğv edilib. "Necə ola bilər ki, qapalı yerlərdə 300 nəfərlik toya və digər mərasimlərə icazə verilir, amma açıq havada 50 nəfərlik piketə epidemoloji vəziyyəti əsas gostərərək etiraz edilir? Baxın, görün Azərbaycanda necə mənasız hakimiyyət vardır, Qarabağda rus "sülməramlıları" hakim yüksəkliklərdə mövqeyini yaxşılaşdırdığı, Ukraynada rus qoşunları dinc əhaliyə qarşı kütləvi qətlləri davam etdirdiyi zamanda Rusiya səfirliyi qarşısında piketə icazə verməyə cəsarəti çatmır", deyə partiyadan bildiriblər.
ADRP 2015-ci ildə hərəkat kimi yaradılıb. Ötən il təşkilat partiyaya çevrilib. Partiyaya iqtisadçı alim Qubad İbadoğlu sədrlik edir. -03В06-
Cəmiyyət
-
2025-ci ilə qədəm qoyduqca, dünya müxtəlif sahələrdə əhəmiyyətli inkişaflarla qlobal mənzərəmizi yenidən formalaşdırmağa hazır olan həlledici bir mərhələdə dayanır.
-
Avstraliyalı demoqraf və sosioloq Mark Makkrindl “Beta Nəsli”nin yaranmasını təsvir edib — o, bu demoqrafik qrupu 2025-2039-cu illər arasında doğulan insanlar kimi müəyyənləşdirərək, qlobal nəsil kimliyində yeni bir fəsil açıldığını vurğulayıb.
-
ABŞ Siyahıyaalma Bürosunun bazar ertəsi açıqladığı təxminlərə görə, 2024-cü ildə dünya əhalisi 71 milyondan çox artaraq 2025-ci ilin 1 yanvar tarixinə 8,09 milyarda çatıb. Bu artım əhəmiyyətli olsa da, 2023-cü ildəki 75 milyon artımla müqayisədə bir qədər yavaşlama müşahidə olunur.
-
Azerbaycan, Əqrəb bürcünün təsiri altında həmişə dərin transformasiya, dözümlülük və strateji manevr etmə torpağı olub. Əqrəb su bürcü olduğu üçün, ölkənin zəngin təbii sərvətləri, xüsusilə neft və qaz ehtiyatları ilə olduğu kimi, həmçinin Şərq və Qərbin kəsişməsində yerləşməsi, mədəniyyətlərin və sivilizasiyaların qovuşub inkişaf etdiyi bir yer olması arasında bir əlaqə mövcuddur. 2025-ci il, ölkə üçün davamlı transformasiya ili və həm daxili, həm də qlobal səviyyədə güclü dəyişikliklər vəd edir.
Rəy yaz