Açiq mənbələrdən foto.
Bakı/16.07.22/Turan: Bakı Şəhər İcra Hakimiyyəti Milli Şuranın və Müsavat Partiyasının funksioneri Tofiq Yaqublunun iyulun 20-də saat 12-də Nazirlər Kabinetinin binası qarşısında "Quru sərhədləri açın!" tələbi ilə keçirmək istədiyi etiraz aksiyası barədə xəbərdarlıq məktubuna rədd cavabı verib.
Meriya Yaqubluya pandemiya səbəbindən piket keçirməyi deyil, müvafiq quruma müraciət etməyi məsləhət bilib.
Tofiq Yaqublu bildirib ki, aksiya olacaq.
"Bakı şəhər İcra Hakimiyyətinin məktubu qanunsuzdur və onların qanunsuz tələblərinə əməl etmək niyyətində deyiləm. İyulun 20-də saat 12-də Nazirlər Kabinetinin binası qarşısında "Quru sərhədləri açın!" tələbi ilə etiraz aksiyası keçiriləcək. Ölkədə bütün məhdudiyyətlər aradan qaldırılıb, insanlar sərbəst ictimai nəqliyyatdan istifadə edirlər, məktəblər, restoranlar, idman zalları, məscidlər açıqdır, virus gedib quru sərhəddə gözləyir bizi? Naxçıvanın ta əvvəldən quru sərhədləri bağlanmayıb və ölkə üzrə ən az yoluxma da məhz orada olub. Bir sözlə, İlham Əliyevin bizim haqlı tələbimiz qarşısında deməyə sözü yoxdur və ona görə də belə gülünc fikirlər səsləndirir. Elə buna görə də aksiya olacaq!", deyə o qeyd edib.
Bununla yanaşı, prezident İlham Əliyev altı ayın yekunları ilə bağlı iyulun 15-də keçirilən müşavirədə deyib ki, Azərbaycanın quru sərhədləri bağlıdır və bağlı olmalıdır.
"Nə üçün? İnsanlar xəstələnməsin. Çünki ən çox bu xəstəliyin yayılma istiqaməti quru sərhədləridir. Ona görə biz sərhədlərimizi bağlı saxlayırıq və düz də edirik. Nə qədər lazımdırsa, o qədər də sərhədləri bağlı saxlayacağıq - quru sərhədlərindən söhbət gedir. Bunu edirik ki, insanların sağlamlığını qoruyaq, insanları itirməyək. Bizim məqsədimiz budur", deyə dövlət başçısı qeyd edib.
Daxili İşlər Nazirliyinin Mətbuat Xidmətinin rəhəbri Ehsan Zahidov deyib ki, əgər aksiyanın keçirilməsi Bakı Şəhər İcra Hakimiyyəti orqanı tərəfindən məqsədəuyğun hesab edilməyibsə, qanunsuz hesab olunur və cəhdin qarşısı dərhal polis tərəfindən alınacaq. 03
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz