![Rasim Məmmədov](https://turan.az/resized/media/2022/main/090900050678-750-500-resize.webp)
Rasim Məmmədov
"Bakı metallurgiya şirkəti"nin keçmiş rəhbəri 55 milyon manatın mənimsənilməsilə bağlı ittihamları təkzib edir
Bakı/09.09.22/Turan: Sentyabrın 9-da Bakı Ağır Cinayətlər Məhkəməsində "Baku steel company"nin keçmiş rəhbəri Rasim Məmmədovun işi üzrə məhkəmə istintaqı başlayıb.
Prosesdə ittiham aktı elan olunub, deyilir ki, Rasim Məmmədov öz səlahiyyətlərindən sui-istifadə edib, sənədlərə yalan məlumatlar daxil edib, başqa şəxslərin adına şirkətlər yaradıb və zavodun məhsullarını aşağı qiymətə satıb. Ümumilikdə, ona 55 milyon manatı mənimsəmək və israf etməklə bağlı ittiham irəli sürülüb.
Təqsirləndirilən şəxs özü bu ittihamları rədd edərək günahsız olduğunu bildirib. O deyib ki, məhkəməyə təqdim olunan sənədlər düzgün deyil və o bu ittihamları təkzib edən sənədləri təqdim etməyə hazırdır. O, məhkəmədən ittihamlar üzrə ifadə verməyə hazırlaşmaq üçün vaxt istəyib.
Növbəti məhkəmə iclası sentyabrın 12-nə təyin edilib.
Bu il fevralın 3-də Rasim Məmmədovu saxlayan Dövlət Təhlükəsizliyi Xidmətinin məlumatına görə, o, bir neçə il ərzində 13 milyon manatdan çox vəsaiti mənimsəyib, 42 milyon manatlıq məhsulu israf edib.
Bununla da müəssisənin maliyyə vəziyyətinə ciddi ziyan dəyib. Bundan əlavə, Məmmədov aldatma yolu ilə ayrı-ayrı şəxslərin pul vəsaitlərini mənimsəyib. 0
-
- Cəmiyyət
- 9 Sentyabr 2022 15:30
-
- İqtisadiyyat
- 9 Sentyabr 2022 16:01
Cəmiyyət
-
Xalq artisti Ağadaş Ağayev Azərbaycan Cinayət Məcəlləsinin 221.3-cü maddəsi ilə silah tətbiq etməklə xuliqanlıqda ittiham olunub.
-
Yeni xidmət şirkətlərə korporativ cihazları vahid həll vasitəsilə effektiv şəkildə idarə etmək imkanı verir İnnovativ məhsulları ilə müştərilərinin kibertəhlükəsizlik imkanlarını gücləndirməyi hədəfləyən Azercell Biznes “Mobil Cihazların İdarə Edilməsi” həllini istifadəyə verir. İş tapşırıqlarının məsafədən yerinə yetirilməsi məqsədi ilə əməkdaşlarını smartfon, planşet, əl terminalları və s. mobil cihazlarla təmin edən şirkətlər bu yenilikdən faydalana biləcək.
-
Azərbaycanda sentyabrın 1-də keçiriləcək növbədənkənar parlament seçkiləri ilə bağlı 950-ə yaxın müşahidəçi qeydə alınıb. Bunu iyulun 24-də Mərkəzi Seçki Komissiyasının (MSK) sədri Məzahir Pənahov deyib: "İyulun sonunda Avropada Təhlükəsizlik və Əməkdaşlıq Təşkilatının (ATƏT) uzunmüddətli müşahidəçiləri da Azərbaycana gələcək".
-
Hərbi prokurorluq Naxçıvanda yerləşən hərbi hissələrdən birinin komandiri olan Samir Həziyevi həbs edib.
Rəy yaz