![Bakı metropolitenində sərnişinlərin təhlükəsizliyinin təmin edilməsi qaydaları dəyişə bilər](https://turan.az/resized/media/2022/main/070600047930-750-500-resize.webp)
Bakı metropolitenində sərnişinlərin təhlükəsizliyinin təmin edilməsi qaydaları dəyişə bilər
Bakı/06.07.22/Turan: Bakı metropolitenində sərnişin axını azalıb, amma bu, iyulun 5-də baş verən hadisə ilə əlaqədar deyil, bu barədə Turan-a Bakmetropoliten-in KİV və ictimaiyyətlə əlaqələr şöbəsinin rəisi Bəxtiyar Məmmədov bildirib.
İyulun 5-də TikTok sosial şəbəkəsində Bakı metrosunda əlində paketə bükülmüş çəkiclə cinsi azlıqları təhdid edən kişinin videokadrları yayılıb. O, öz telefonunun kamerasına qaşını alan, özünü kişi kimi aparmayan hamını öldürəcəyini deyirdi. Bu şəxs parçaya bükülmüş baltaya bənzər əşya göstərirdi. Sonradan o, eyni şəbəkədə ikinci çarxını yerləşdirərək, təhdidlərini təkrar edib və metal çəkic göstərib, ilk videoçarxda əlində bu əşyanın olduğunu iddia edib.
"Biz videomüşahidə sistemlərimizdəki görüntülərin monitorinqini aparırıq, bu məlumatlara əsasən metropolitendə nəzarət və təhlükəsizlik siyasətini müəyyən edirik. Stansiyaların girişində, eskalatorların üzərində, vaqonlarda və metropoliten stansiyalarında kameralar quraşdırılıb. Cinayət niyyətlərinin qarşısını almaq üçün sərnişinlərin davranışlarını tədqiq edirik. Ola bilər ki, təhlildən sonra mövcud qaydalara dəyişikliklər edilsin. Bu, xüsusən sərnişinlərin metropolitenə keçirdikləri əşyalara nəzarətlə bağlıdır", deyə B.Məmmədov bildirib.
O, Turan-ın müxbiri ilə söhbətində metropolitenin mühafizə işinin pis olduğu və 5 iyul hadisəsindən sonra sərnişinlərin narahatlıqları haqqında fikirlə razılaşmayıb.
B.Məmmədov deyib ki, hər il yay aylarında sərnişinlərin sayının azalması müşahidə olunur, indi də eyni şeu baş verir, bu, müzakirə olunan hadisə ilə əlaqədar deyil. "İyulun 4-dən etibarən sərnişinlərin sayının azaldığını qeydə alırıq, bu həcm yayın sonuna qədər davam edəcək. Sərnişinlərdə 5 iyul hadisəsi ilə bağlı narahatlıq müşahidə etmirik".-0-
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz