Bakıda ən təmiz hava Abşerondadır

Bakı/04.07.19/Turan: "Xəzər" Universiteti yanında Hava Keyfiyyəti Laboratoriyası iyun ayında Bakıda və şəhərətrafı qəsəbələrdə açıq hava keyfiyyətinin monitorinqini aparıb. Monitorinqin nəticələri Avropa hava keyfiyyəti indeksinə uyğun olaraq yerüstü ozon, azot dioksid, bərk asılı maddələr və kükürd dioksidi nəzərə alınmaqla ölçülür. Bu indeksə müvafiq olaraq hava keyfiyyəti "çox yaxşı", "yaxşı", "orta", "pis" və "çox pis" olmaqla 5 ballıq şkala ilə qiymətləndirilir.

1. "Neftçilər" metro stansiyası yaxınlığı -5

2. "Qara Qarayev" metro stansiyası yaxınlığı-4

3. "Koroğlu" metro stansiyası yaxınlığı -5

4. "N.Nərimanov" metro stansiyası yaxınlığı -4

5. "Gənclik" metro stansiyası yaxınlığı - 5

6. "28 may" metro stansiyası yaxınlığı - 4

7. "Sahil" metro stansiyası yaxınlığı - 5

8. "İçərişəhər" metro stansiyası yaxınlığı - 4

9. "Nizami" metro stansiyası yaxınlığı- 5

10."20 yanvar" metro stansiyası yaxınlığı - 5

11."Memar Əcəmi" metro stansiyası yaxınlığı- 5

12."Xətai"metro stansiyası yaxınlığı- 4

13.Xırdalan şəhəri - 4

14.Buzovna qəsəbəsi - 1

Alınan nəticələrdən məlum olub ki, ən yaxşı hava keyfiyyəti Abşeron sahilərində (Buzovna, Bİlgəh, Nardaran), ən pis hava keyfiyyəti isə "Koroğlu" və "Neftçilər" metro stansiyaları yaxınlığında qeydə alınıb.

Havanın çirklənməsində avtomobillərin böyük rolu var. Əgər 1990-cı ildə Azərbaycanda 22.000 avtomobil vardısa, hazırda onların sayı 1 mln. 200 mindir. Bu, paytaxtda havaya atılan zərərli qazların miqdarını dəfələrlə artırır.

ÜST-nin məlumatına görə, hər il dünyada 4.2 mln. insan çirkli havaya, 3.8 mln. isə ev şəraitində havanın pis olmasına görə dünyasını dəyişir.-30C-