Açiq mənbələrdən foto.
Bakı/19.12.22/Turan: Bazar ertəsi Bakıda beş ulduzlu The Ritz-Carlton Baku otelinin açılışı olub. Hündürlüyü 130 metr olan otel binası 33 mərtəbəlidir. Oteldə 190 geniş qonaq otaqları, lüks mənzillər, restoranlar, fitnes və biznes mərkəzləri, müxtəlif tədbirlərin keçirilməsi üçün konfrans zalı yaradılıb.
Azərbaycan Respublikasının Prezidenti İlham Əliyev və birinci xanım Mehriban Əliyeva dekabrın 19-da paytaxtda “The Ritz-Carlton Baku” otelinin açılışında iştirak ediblər.
Binanın 14 mərtəbəsi otel otaqları üçün nəzərdə tutulub, 15-ci mərtəbədən başlayaraq yuxarı hissədə isə rezidensiyalar və mənzillər yerləşir. Otel Babək prospektinin başlanğıcında, H.Əliyev adına Mədəniyyət Mərkəzinin qarşısında yerləşir.
Binanın tikintisinə keçmiş nəqliyyat naziri Ziya Məmmədova məxsus ZQAN şirkəti tərəfindən 2009-cu ildə başlanıb və 2015-ci ildə başa çatıb. Elə həmin vaxt Məmmədov amerikalı biznesmen Donald Trampın razılığını alıb və binada "Tramp Tower" yazısı asılıb. Məmmədov vəzifədən azad edildikdən sonra bina onun əlindən alınıb və yazı yoxa çıxıb. Bir müddət bina boş qalıb. İki il əvvəl binada təmir işləri başlayıb. 02B
Cəmiyyət
-
Azərbaycanın Rəqəmsal İnkişaf və Nəqliyyat Nazirliyi faktiki olaraq təsdiqləyib ki, Prezident İlham Əliyevin rəsmi təyyarəsi “Bakı-1” 25 dekabr tarixində Müstəqil Dövlətlər Birliyinin (MDB) qeyri-rəsmi sammitində iştirak etmək üçün Sankt-Peterburqa uçuş zamanı xarici texniki müdaxiləyə məruz qalıb. Bu açıqlama, hadisənin detalları və Rusiya hava məkanında GPS siqnalının itirilməsi ilə bağlı xəbərlər fonunda diqqət mərkəzinə düşüb.
-
Yardımlı rayonunun İranla sərhədində 20 kiloqram narkotik vasitə və psixotrop maddə aşkarlanıb. Bu barədə Daxili İşlər Nazirliyinin mətbuat xidmətinin Lənkəran regional qrupu bildirib.
-
Fevralın 6-da Bakıda və Abşeron yarımadasında günün birinci yarısında bəzi yerlərdə çiskinli yağış yağacaq. Arabir güclənən şimal-qərb küləyi əsəcək.
-
Azərbaycanda yaxın günlərdə temperaturun kəskin enməsi və ölkə ərazisində fırtınalı, yağıntılı hava şəraitinin müşahidə olunacağı gözlənilir. Milli Hidrometeorologiya Xidməti bazar ertəsi bildirib ki, bəzi ərazilərdə intensiv yağıntılar, dağlıq və dağətəyi rayonlarda qar yağışı, yolların buz bağlaması və güclü külək proqnozlaşdırılır.
Rəy yaz