Açiq mənbələrdən foto.
Bakı/10.03.23/Turan: Paytaxtın Nəsimi rayonu, Səməd Vurğun küçəsində baş vermiş silahlı insidentlə əlaqədar cinayət əməlini törətməkdə şübhəli bilinən 3 nəfər polis əməkdaşları tərəfindən saxlanılıb.
Bu barədə DİN Mətbuat Xidmətindən məlumat verilib.
Qeyd edilib ki, əməliyyat-axtarış tədbirləri davam etdiyi üçün onların adları açıqlanmır:
"Onlardan cinayətdə istifadə olunan tapança aşkar olunaraq götürülüb. Sosial şəbəkələrdə cinayət hadisəsi ilə bağlı olan iddialar əsassızıdır. Əməliyyat-axtarış tədbirləri yekunlaşdıqdan sona əlavə məlumat veriləcək".
* * *
2023 Mart 10 (Cümə) 15:41:24
Sirkin yanında baş vermiş atışmada şübhəli bilinən şəxs saxlanılıb /YENİLƏNİB/
Bakı/10.03.23/Turan: Polis əməkdaşları bu gün sirkin yanında baş vermiş atışmada şübhəli bilinən şəxsi saxlayıblar. Bu barədə Turan-a Daxili İşlər Nazirliyinin xidmətindən bildiriblər.
Mənbənin məlumatına görə, üç zərərçəkəndən ikisinin adı məlumdur. Onlar Fəqan Rəhimli (2002-ci ildə anadan olub) və Tamerlan Hüseynovdur (1983-cü il). Güllə yarası alan şəxslər xəstəxanaya çatdırılıblar. 06D
* * *
2023 Mart 10 (Cümə) 15:14:03
Dövlət Sirkinin binasının yaxınlığında atışma olub, yaralılar var
Bakı/10.03.23/Turan: Cümə günü saat 15:00-a yaxın Səməd Vurğun küçəsində Dövlət Sirkinin binasının yaxınlığında silahlı insident baş verib.
Daxili İşlər Nazirliyinin mətbuat xidmətindən Turan-a bildiriblər ki, ilkin məlumata görə, üç nəfər güllə yarası alıb.
"Polis əməkdaşları hadisə yerində işləyirlər, istintaq başlanıb", - Daxili İşlər Nazirliyindən bildiriblər.
Təcili yardım maşınları hadisə yerinə gəlib. Digər detallar məlum deyil. 0
Cəmiyyət
-
Otuz ildən artıq bir müddətdə Turan İnformasiya Agentliyi Azərbaycanda müstəqil jurnalistikanın dayağı olub, siyasi və iqtisadi qeyri-sabitlik şəraitində obyektiv və etibarlı xəbərlər təqdim edib. 1990-cı ildə - Sovet İttifaqının son günlərində yaradılan agentliyimiz, keçid dövrünün çətinliklərindən, müharibə və islahatlar dövrlərindən keçərək ictimai maraqları qorumağa sadiq qalıb.
-
Fevralın 14-də Bakıda və Abşeronda hava tutqun olacaq, yağış yağacaq. Şimal-qərb küləyi əsəcək. Havanın temperaturu gecə müsbət 2 + 4, gündüz müsbət 5 + 7 dərəcə olacaq. Rütubət 75-85 faiz olacaq.
-
Naxçıvan Baş Gömrük İdarəsinin "Culfa" gömrük postunda İrandan gələrək Azərbaycan ərazisindən tranzit keçməklə Türkiyəyə "PVC" yükü aparan nəqliyyat vasitəsi əsaslı yoxlamaya cəlb edilib. Keçirilən yoxlama zamanı nəqliyyat vasitəsinin yanacaq qatqısı çənindən və qızdırıcı sistemin çənindən maye halında 101 kq 400 qram psixotrop maddə - metamfetamin aşkar edilib
-
Bu il sertifikatlaşdırmaya 22 min xarici dil müəllimi və ötən il uğur qazana bilməyən 4 min müəllim cəlb ediləcək. Bu barədə fevralın 12-də Məktəbəqədər və Ümumi Təhsil üzrə Dövlət Agentliyinin (MÜDTA) direktoru Eşqi Bağırov jurnalistlərə açıqlamasında deyib.
Rəy yaz