Açiq mənbələrdən foto.
Bakı/23.02.21/Turan: Fevralın 23-də Bakı Ağır Cinayətlər Məhkəməsində terrorçuluq və İŞİD-ə maliyyə yardımı etməkdə günahlandırlan 11 nəfərin işi üzrə hakim Səbuhi Hüseynovun sədrliyi ilə keçirilən məhkəmə prosesində təqsirləndirlən şəxslər özlərin xəsarət yetiriblər.
Təqsirləndirilən şəxslərin məhkəmə zalında olan ailə üzvlərinin sözlərinə görə, Samir Qurbanov, Əflatun Bayramov, Amin Həsənov və Ələddin İbişov özləri ülgüclə (lezva) qol damarlarını doğrayıblar.
Sonra onlar ülgücləri boğazlarına dayayıblar.
Bu zaman hakimlər məhkəmə zalını tərk edib. Penitensiar Xidmətin konvoyları təqsirləndirlən şəxsləri sakitləşdirə bilib.
Suriyada qanusuz silahlı birləşmələrdə döyüşməkdə, terrorçuluqda ittiham edilən Ələddin İbişov, Şəhriyar Cabbarov, Əflatun Bayramov, Elgün İsmayılov, Tehran Qasımov, Orxan Qurbanov, Amin Həsənov, Cavid Əmənov, Yusif İmanov, Samir Qurbanov və Babək Məmmədli bir neçə il qabaq həbs edilib.
Onlar Cinayət Məcəlləsinin 167-2.2.1-ci (Qanunsuz olaraq dini təyinatlı ədəbiyyatı, audio və video materialları, mal və məmulatları və dini məzmunlu başqa məlumat materiallarını istehsal etmə, idxal etmə, satma və ya yayma; qabaqcadan əlbir olan bir qrup şəxs və ya mütəşəkkil dəstə tərəfindən törədildikdə), 167-2.2.2-ci (təkrar törədildikdə), 167-3.1-ci (Dini ekstremist materialları, yəni dini ekstremist fəaliyyəti həyata keçirməyə çağıran və ya belə fəaliyyəti əsaslandıran, yaxud belə fəaliyyətin zəruriliyinə bəraət qazandıran materialları hazırlama, saxlama və ya yayma), 214 (Terrorçuluq) və 218-ci (Cinayətkar birlik (təşkilat) yaratma) maddələri ilə təqsirləndirilirlər.
2020-ci ilin fevralında məhkəmə prosesi başlayıb. Məhkəmə iclasları bir müddət koronavirus pandemiyası səbəbindən təxirə salınıb.
Təqsirləndirilən şəxslərin ailə üzvləri övldalarının ittihamları qəbul etmədiyini bildirir.
“Bunlara verilən ittihamlar absurddur. Onlar namaz qılan dindarlardır. Buna görə insanı həbs etməzlər”, təqsirləndirilənlərdən birinin anası bu gün jurnalistlərə bildirib. -03-
Cəmiyyət
-
Milli Hidrometeorologiya Mərkəzinin sinoptikləri ardıcıl olaraq üç gündür paytaxtda və Abşeronda yağış yağacağını vəd edirlər, lakin bu yağış hələ də yağmır. Noyabrın 29-na da intensiv yağış proqnozlaşdırılıb.
-
Azərbaycanın Nazirlər Kabineti Yeni İldə iş və istirahət günlərinin yerinin dəyişdirilməsi haqqında qərar qəbul edib.
-
Bu ay Bakıda Laser Beauty Clinic özəl klinikasında ixtisassız həkimlər tərəfindən qanunsuz cərrahi əməliyyatların aparılması halları aşkar edilib. Nəticələr barədə Səhiyyə Nazirliyinin Analitik Ekspertiza Mərkəzi bildirib. Mərkəz vətəndaşların şikayətlərindən sonra klinikada yoxlama aparıb.
-
Turana bu barədə məlumatı məhkəmədən təsdiq ediblər. Belə ki, yazıçı Sürəyya Ağayeva tərəfindən xüsusi ittiham qaydasında Cinayət Məcəlləsinin 147.2 (böhtan) və 148-ci (təhqir) maddələri ilə məhkəməyə verilib. Onun barəsində başqa yerə getməmək haqqında iltizam alındığı deyilir.
Rəy yaz