![Bakıda üçüncü humanitar forum açılıb](https://turan.az/resized/media/2013/main/103100055800-750-500-resize.webp)
Bakıda üçüncü humanitar forum açılıb
Bu gün Azərbaycanın paytaxtında Rusiya və Azərbaycan prezidentlərinin həmsədrliyi ilə 3-cü Bakı Beynəlxalq Humanitar Forumu öz işinə başlayıb.
Heydər Əliyev Mərkəzində keçirilən iki günlük forumun açılış mərasimində İlham Əliyev çıxış edib. O, forumda aparılacaq müzakirələrin beynəlxalq humanitar əməkdaşlığın inkişafına töhfə olacağından əminliyini ifadə edib.
Prezident Vladimir Putin də forum iştirakçılarına ünvanladığı məktubunda maraqlı və faydalı müzakirələrin, yeni ideya və təşəbbüslərin real işlərdə və layihələrdə təcrübi təcəssümünü tapacağından, xalqlar arasında etibarın, qarşılıqlı anlaşmanın və yaxşı qonşuluğun möhkəmlənməsinə şərait yaradacağından əminliyini ifadə edib.
70 ölkədən 800 iştirakçısı olan forumun gündəliyinə qloballaşma reallıqları nəzərə alınmaqla, 21-ci əsrin humanitar problemləri məsələləri daxildir. Texnologiyaların konvergensiyası və gələcəyin çizilməsi, iqtisadi inkişafın humanitar aspektləri, multikulturalizm və özünəməxsusluq, postmodern dövründə milli kimlik və s. mövzularda 8 “dəyirmi masa” keçirilməsi planlaşdırılır.
Əvvəlki iki forum 2010 və 2012-ci illərdə Azərbaycan və Rusiya prezidentlərinin təşəbbüsü ilə keçirilib. -0-
-
- Cəmiyyət
- 31 Oktyabr 2013 13:39
-
- İqtisadiyyat
- 31 Oktyabr 2013 13:47
Cəmiyyət
-
Ədalət Naminə Həmrəylik Komitəsinin təşəbbüsü ilə təşkil edilən, Azərbaycanda insan hüquqları vəziyyətinə həsr olunmuş vətəndaş cəmiyyəti fəallarının onlayn görüşündə jurnalistlərin, siyasi fəalların və müharibəyə qarşı çıxanların həbsi ilə bağlı ciddi narahatlıqlar vurğulandı. Avqustun 30-da keçirilən bu toplantı Beynəlxalq İtkin Düşənlərin Anım Günü ilə üst-üstə düşdü və Qarabağ müharibələrindən sonra həm Azərbaycan, həm də Ermənistan cəmiyyətlərinin qarşılaşdığı davamlı çətinlikləri diqqətə çatdırdı.
-
Sentyabrın 1-də Bakıda və Abşeron yarımadasında hava yağıntısız olacaq. Şimal-qərb küləyi gündüz cənub-şərq küləyi ilə əvəz olunacaq. Havanın temperaturu gecə müsbət 21+26, gündüz müsbət 33+38 dərəcə olacaq, Milli Hidrometeorologiya Xidməti bildirib.
-
Ölkənin aparıcı mobil operatoru "Milli və müasir" rəqəmsal muzeyini təqdim edir Azercell milli dəyərlərimizi müasir texnologiyalar vasitəsilə yaşatmaq, onları geniş auditoriyaya tanıtmaq və gələcək nəsillərə çatdırmaq məqsədilə "Milli və müasir" rəqəmsal muzeyi layihəsini təqdim edir. Bu innovativ təşəbbüs sənət və texnologiyanı birləşdirərək şirkətin hər iki sahəyə olan dəstəyini bir daha vurğulayır.
-
Bakının Suraxanı rayonu ərazisində sənaye zonasında bir obyektdə yanğın başlayıb. Yanğının söndürülməsinə FHN-in Dövlət Yanğından Mühafizə Xidmətinin qüvvələri cəlb olunub.
Rəy yaz