Bakının mərkəzi küçələrində dolları manata dəyişmək faktiki mümkünsüz olub. Belə ki, bəzi valyutadəyişmə məntəqələri reklam lövhələrində 1 dolların alışını 1,03 manat, satışını 1,05 manat yazsalarda, müxtəlif bəhanələrlə dəyişməkdən imtina edirlər. Bəhanələr belədir: manatımız yoxdur, Mərkəzi Bank məzənnəni hələ müəyyən etməyib, gözləyirik görək nə olur, belə qalmaz, manatın məzənnəsini qaldıracaqlar və s.
Turan-ın müxbiri bu gün səhər saatlarında “Azadlıq” və “Xaqani” küçələri boyunca yerləşən bank və valyutadəyişmə məntəqələrində müşahidə aparıb. “Kapital” və “Beynəlxalq” bankın şöbələrində dollar satışı yoxdur, Xaqani küçəsindəki AFB bankda 1 dollar 1,291 manata, “Xalq Bank”da satış yoxdur, “Texnika Bank”da 1 dollar 1 manat, “Respublika Bank”ında 1 dollar 1,290 manata dəyişdirilir.
“Kapital” bankın Füzuli küçəsində yerləşən mərkəzi ofisində isə çoxsaylı insanlar dollar dəyişmək üçün növbə gözləyir.
Valyutadəyişmə məntəüqlərinin isə heç birində satış yoxdur. Yalnız bir məntəqədə 1 dolları 1 manata dəyişdiklərini deyiblər.
Mərkəzi Bank fevralın 24-də dolların məzənnəsində cüzi artım edib. Belə ki, bu gün 1 dollar 1,0501 manat məzənnəsindədir.
“Azadlıq” küçəsi boyunca yerləşən mobil telefon mağazalarında qiymətlərin 30 faizədək qaldırıldığını bildirblər. Ancaq, mağazallarda alıcı gözə dəymir. “Son dörd gündə bir dənə belə mobil telefon sata bilməmişik”, - mağazalardan birinin sahibi narazılığını bildirib.
O, Turan-ın müxbirinin “tələb yoxdursa qiymətləri niyə artırmısınız?” sualına, “Allah monopolistlərin evini yıxsın” deyə qarğış edib.-03B-
Cəmiyyət
-
Dekabrın 22-də Bakıda və Abşeron yarımadasında havanın dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə çiskin olacağı ehtimalı var. Mülayim cənub-qərb küləyi əsəcək.
-
Çox vaxt "Qafqazın Dubayı" adlandırılan Bakı getdikcə sakinlərin mənzil hüquqlarının sistematik şəkildə pozulması ilə tanınmağa başlayır. Şəhərin yenilənməsi və yeni eleqant binaların inşası zamanı Azərbaycanın paytaxtında minlərlə ailə qanunsuz olaraq öz evlərindən məhrum edilib. Çoxları müqavimətin faydasız olduğunu bilərək, öz qiymətli əmlaklarına görə qeyri-adekvat pul kompensasiyasına razılaşır. Mənzil Məcəlləsinə inanan azlıq isə tikinti şirkətlərindən ədalətli təzminat tələb edir, ancaq çox vaxt hər şeyi itirir - həm evini, həm də təzminatın istənilən formasını.
-
Düşərgədə iştirak edən məktəblilər ölkəmizi üç nüfuzlu beynəlxalq olimpiadada təmsil edəcək Ölkəmizin beynəlxalq fənn olimpiadalarında təmsil etməyə hazırlaşan şagirdlərin hazırlıq prosesi müvəffəqiyyətlə davam edir. Azercell, Elm və Təhsil Nazirliyi və Təhsil İnstitutunun birgə əməkdaşlığı çərçivəsində Bakı Ali Neft Məktəbində bu məktəblilər üçün növbəti “İnformatika Düşərgəsi” təşkil olunub.
-
Ötən gecə Azərbaycan-Ermənistan sərhədində 4.8, 3 və 3.8 maqnitudalı zəlzələlər baş verib, Azərbaycan Milli Elmlər Akademiyası Respublika Seysmoloji Xidmət Mərkəzi bildirib.
Rəy yaz