![Baku Post nəşri bağlanıb - Elnur Aslanovun komandasının axırına çıxırlar](https://turan.az/resized/media/2015/main/050400114875-750-500-resize.webp)
Baku Post nəşri bağlanıb - Elnur Aslanovun komandasının axırına çıxırlar
Mayın əvvəllərində Baku Post on-line qəzeti fəaliyyətini dayandırıb. Məlumatlı mənbələrdən Turan-a daxil olan məlumata görə, nəşrin balanmasına səbəb Azərbaycan Prezident Administrasiyasından maliyyələşmənin dayandırılması olub.
Baku Post-un baş redaktoru Tofiq Abbasov qəzetin bağlanmasını Turan-a şərh edərkən qısa danışıb: “Bu, biznes-layihə idi. Bazar konyukturasını nəzərə alaraq, kollektiv fəaliyyətini dayandırmaq qərarı qəbul edib. Abbasov başqa şərh verməkdən imtina edib.
Qeyd edək ki, Baku Post qəzeti 2012-ci ilin aprel ayından dərc olunmağa başlayıb. Bu, iki dildə - rus və azərbaycan dillərində çıxan rəngli qəzet idi. Qəzet Azərbaycanda, faktiki olaraq, ilk tabliod oldu, tezliklə ölkənin media məkanında öz yerini tutdu.
Doğrudur, qəzet pulsuz yayılırdı, sponsorlar nəşr üçün vəsaitlərini əsirgəmirdi. Bu, layihənin arxasında hakimiyyətdən nüfuzlu bir qrupun durduğunu, layihənin isə 2013-cü il prezident seçkilərini hədəf alaraq işə salındığını düşünmək üçün əsas verirdi.
Tezliklə aydın oldu ki, layihənin kuratoru Prezident Administasiyasının o vaxtki siyasi təhlil və informasiya şöbəsinin müdiri Elnur Aslanovdur.
2014-cü ildən etibarən qəzet yalnız on-line versiyada çıxmağa başladı. Aslanov Prezident Administrasiyasından işdən azad edildiyindən sonra Əli Həsənovun rəhbərlik etdiyi ictimai-siyasi şöbə Baku Post-un kuratoru oldu. Elə həmin vaxt nəşrin maliyyələşdirilməsi iki dəfə azaldıldı, bu barədə məlumatlı mənbələr məlumat verib. Redaksiyada isə ixtisarlar aparıldı.
İndi Baku Post-un maliyyələşdirilməsi tamamilə dayandırılıb. Maraqlıdır ki, administrasiyanın ictimai-siyasi şöbəsinin himayəsi altında olan çoxsaylı qəzetlər və saytlar maliyyə problemi yaşamır.
Baş verənlər Prezident Administrasiyasında başlanğıcında Aslanovun durduğu nəşrə etibar olmadığını düşünmək üçün əsas verir. -06B-
-
- Cəmiyyət
- 4 May 2015 18:34
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz