Bakı/30.11.17/Turan: Noyabrın 30-da Balakən rayon Məhkəməsində hakim Hümbət Səlimovun sədrliyi ilə jurnalist Əfqan Muxtarlının cinayət işi üzrə hazırlıq iclası olub. Jurnalisti məhkəmədə vəkillər Nemət Kərimli və Elçin Sadıqov müdafiə edib.
Vəkil Nemət Kərimli "Amerikanın Səsi"nə müsahibəsində bildirib ki, məhkəmə baxışı dekabrın 14-də saat 10.30-da Balakən rayon Məhkəməsinə təyin edilıib.
Vəkillərin çoxsaylı vəsatətlərindən yalnız biri, jurnalistin vəkillərinin yanında oturması ilə bağlı vəsatət təmin edilib.
"Cinayət işi üzrə icraata xitam verilməsi, həbs qətimkan tədbirinin dəyişdirilməsi, prosessual qanunvericiliyə zidd yolla əldə edilmiş sübutların, axtarış və götürmə ilə bağlı protokolların sübutlar siyahısından çıxarılması, Əfqan Muxtarlının xeyrinə ifadə vermiş əlavə şahidlərin məhkəməyə dəvət edilməsi, Daxili İşlər Nazirliyindən azadlığın məhdudlaşdırılması ilə bağlı başlanmış cinayət işi üzrə qərarın əldə edilərək iş materialına daxil edilməsi və Muxtarlının vəkillərinin yanında oturması ilə bağlı vəsatətlər verdik. Hakim yalnız Muxtarlının vəkillərinin yanında oturması barədə vəsatətimizi təmin etdi", deyə Kərimli qeyd edib.
Gürcüstandan oturum almış Əfqan Muxtarlı 2017-ci il mayın 29-da Tbilisidən müəmmalı şəkildə Azərbaycana gətirilib. Jurnalistin özü Tbilisidə oğurlandığını, başına torba keçirildiyini, işgəncəyə məruz qaldığını, zorla Azərbaycana gətirildiyini və sərhəddən keçirilərkən cibinə 10 min avro qoyulduğunu bildirib.
Ona qarşı Azərbaycan Cinayət Məcəlləsinin 315 (güc tətbiq etməklə hakimiyyət nümayəndəsinə müqavimət göstərmək), 318.1 (sərhədi qanunsuz keçmək), 206.1-ci (qaçaqmalçılıq) maddələri ilə ittiham irəli sürülüb. Ə.Muxtarlı ittihamları rədd edərək həbsini siyasi sifariş adlandırıb.
Çoxsaylı bynəlxalq təşkilatlar Muxtarlının dərhal həbsdən azad edilməsi ilə bağlı bəyanatlarla çıxış edib. Jurnalistin Tbilisidən müəmmalı şəkildə yoxa çıxmasından sonra Gürcüstan hüquq-mühafizə orqanları tərəfindən cinayət işi qaldırılıb. Bu ölkənin prezidenti də daxil olmaqla, hökumət qurumları, parlament üzvləri bəyanatlarla çıxış edib. Gürcüstan hüquq müdafiəçiləri və jurnalistlər Tbilisidə hüquq mühafizə orqanlarının və hökumət qurumlarının binaları qaşısında Muxtarlının başına torba keçirilərək oğurlanmasına etiraz olaraq aksiyalar keçirib. -03B-
Cəmiyyət
-
Bakıda keçirilən COP29 konfransı mübahisələr və tənqidlərin kölgəsində başa çatdı. Tanınmış tarixçi Cəmil Həsənli bu tədbiri Prezident İlham Əliyevin rəhbərliyi altında Azərbaycanın idarəçilik problemlərinin parlaq əks olunması kimi xarakterizə etdi. Administrasiyanın qatı tənqidçisi olan Həsənli, COP29-u bahalı bir tamaşa adlandıraraq sistemli çatışmazlıqları üzə çıxardığını və Azərbaycanın siyasi və iqtisadi strukturlarına beynəlxalq diqqəti artırdığını vurğuladı.
-
Avropa Parlamenti Prezidenti Roberta Metsola azərbaycanlı iqtisadçı və siyasi məhbus, professor Qubad İbadoğlunu 2024-cü il Saxarov Mükafatı təqdimetmə mərasimində iştirak etmək üçün Strasburqa dəvət edib. Dəvət məktubu COP29 iqlim konfransı zamanı Avropa Parlamenti üzvü Maykl Bloss tərəfindən çatdırılıb. Lakin İbadoğlu hazırda ev dustaqlığında olduğu və Azərbaycandan çıxmasına qadağa qoyulduğu üçün dəvəti qəbul edə bilmir.
-
İstanbul Hava Limanında həyata keçirilən bir əməliyyat, diplomatik münasibətlərdə sarsıntı yarada biləcək bir hadisəni üzə çıxardı. Azərbaycan hərbi attaşesi olduğu iddia edilən Kəhrəman Şamil oğlu Məmmədov, 70 kiloqram qızıl ilə saxlanıldı. Türkiyə KİV-in məlumatına görə, Məmmədovun diplomat olması ilə bağlı açıqlamalarına baxmayaraq, hadisənin qızıl qaçaqmalçılığı ilə bağlı olduğu güman edilir.
-
Sərin bir noyabr axşamı, Bakının sakinləri Xəzər dənizinin sahilində toplaşaraq, sahilə vurulmuş nəhəng bir balinanın bədənini heyrətlə izlədilər. 16 metr uzunluğunda olan bu məxluqun cansız görünən forması və kəskin qoxusu bir çoxlarına ekoloji faciənin şahidi olduqlarını düşündürdü. Lakin bu gecə sirli qonaq artıq yox idi – yük platformasına yüklənərək hava limanına aparılmışdı.
Rəy yaz