Açiq mənbələrdən foto.
Bakı/14.09.20/Turan: Müflis olan Bank Standart-ın əmanətçiləri bazar ertəsi Mərkəzi Bankın (AMB) binası qarşısında əmanətlərinin qaytarılması tələbi ilə növbəti etiraz aksiyasını keçiriblər.
“Bankda 30 min dollar əmanətim var, amma mənə cəmi 18 min manat qaytarıblar. Dollarla olan əmanətlər dollarla qaytarılmalıdır. Biz ayrı-ayrı müəssisələrə getməkdən yorulduq.
Sığorta Fondunun direktoru sentyabrın 15-dən sonra bizim məsələyə baxmağı vəd edib. Guya onlar indi bu il ləğv olunmuş dörd bankın əmanətlərini qaytarırlar.
Bank Standart-da vəsaitin böyük hissəsi 153 müştəriyə girovsuz kredit şəklində verilib. Bu 153 müştəri bankdakı bütün vəsaitlərin 80,3%-ni əldə edib. Lakin bank rəhbərliyindən və ya iri kreditalanlardan heç biri məsuliyyətə cəlb edilməyib. Onların ucbatından biz pulumuzu ala bilmirik, deyə aksiya iştirakçılarından biri bildirib.
Polis aksiya iştirakçılarını binadan uzaqlaşdırıb. AMB-dən və Əmanətlərin Sığortalanması Fondundan şərh almaq mümkün olmayıb.
Bank Standart – Azərbaycanın ən böyük maliyyə müəssisələrindən biri 2016-cı ilin oktyabrında müflis elan edilib.
Həmin vaxt mövcud olan Maliyyə Bazarlarına Nəzarət Palatası bankda 520 mln. manat əmanət olduğunu, bu əmanətlərin 460 mln. manatının qorunan əmanət olduğunu bildirib.
Əmanətlərin Sığortalanması Fondunun 31 avqust 2020-ci il tarixli sənədinə istinad edən əmanətçilərin sözlərinə görə, Bank Standart-ın fiziki şəxslər qarşısında öhdəlikləri 156 304 386 manatdır.
Bank 321 əmanətçiyə 30 000 manata qədər, 73 əmanətçiyə 30 min manatdan 50 min manata qədər, 85 əmanətçiyə 50 min manatdan 100 min manata qədər, 106 əmanətçiyə 100 min manatdan 500 min manata qədər, 21 əmanətçiyə 500 min manatdan çox borcludur. -021С06-
Cəmiyyət
-
İstanbul Hava Limanında həyata keçirilən bir əməliyyat, diplomatik münasibətlərdə sarsıntı yarada biləcək bir hadisəni üzə çıxardı. Azərbaycan hərbi attaşesi olduğu iddia edilən Kəhrəman Şamil oğlu Məmmədov, 70 kiloqram qızıl ilə saxlanıldı. Türkiyə KİV-in məlumatına görə, Məmmədovun diplomat olması ilə bağlı açıqlamalarına baxmayaraq, hadisənin qızıl qaçaqmalçılığı ilə bağlı olduğu güman edilir.
-
Sərin bir noyabr axşamı, Bakının sakinləri Xəzər dənizinin sahilində toplaşaraq, sahilə vurulmuş nəhəng bir balinanın bədənini heyrətlə izlədilər. 16 metr uzunluğunda olan bu məxluqun cansız görünən forması və kəskin qoxusu bir çoxlarına ekoloji faciənin şahidi olduqlarını düşündürdü. Lakin bu gecə sirli qonaq artıq yox idi – yük platformasına yüklənərək hava limanına aparılmışdı.
-
Noyabrın 25-dən etibarən COP29 konfransı iştirakçılarına ayrılmış xüsusi avtomobil zolaqları öz eksklüziv statusunu itirəcək və bütün nəqliyyat vasitələri üçün açıq olacaq. Bu barədə Yerüstü Nəqliyyat Agentliyi (AYNA) məlumat yayıb.
-
Noyabrın 24-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə duman, çiskin olacağı, gündüz isə qısamüddətli yağış yağacağı ehtimalı var. Mülayim cənub-şərq küləyi axşam şimal-qərb küləyi ilə əvəz olunacaq.
Rəy yaz