Bakı/04.08.17/Turan: Bakının Heydər Əliyev prospektində Nail Allahverdiyevə məxsus "Mercedes Galendewagen" markalı, 10 PP 203 dövlət nömrə nişanlı avtomobillə törədilmiş qəza nəticəsində iki nəfər ölüb, iki nəfər yaralanıb.
Hüquq-mühafizə orqanlarından Turan-a bəlli olub ki, qəza nəticəsində avtomobildə olan Mehdi Əliyev və piyada Vaqif Əsədov ölüb.
Hadisə zamanı yolun kənarında duran iki piyada, Türkiyə vətəndaşları Mutallib Tekiş və Songül Tekiş xəsarət alıblar.
Bununla yanaşı, sosial şəbəkələrdə Nail Allahverdiyevin da ağır xəsarət aldığı bildirilir.
Öz növbəsində, Fövqəladə Hallar Nazirliyi bildirir ki, avqustun 3-də Bakı şəhəri, Nərimanov rayonunda "Mercedes" markalı minik avtomobilinin yanar hissələri yanıb.
"Yaxınlıqdakı tikililər və avtomobillər yanğından mühafizə olunub. Yanğın saat 21:45-də yanğınsöndürənlər tərəfindən söndürülüb". Bu məlumatda isə nədənsə qəzanın təfərrüatları açıqlanmır, ölən və yaralananlar barədə məlumat verilmir.
Eyni zamanda, avtomobili kimin idarə etməsi barədə də məlumat verilmir.
Sosial şəbəkələrdə "Mercedes Galendewagen" markalı, 10 PP 203 dövlət nömrə nişanlı avtomobilin sahibi Nail Allahverdiyevin Qaçqın və Məcburi Köçkünlərlə İşi üzrə Dövlət Komitəsinin sədri, baş nazirin müavini Əli Həsənovun nəvəsi olduğu bildirilir.
Baş nazirin müavini Əli Həsənov hələ yazılanlara şərh verməyib, rəsmi qurumlar da hadisə ilə bağlı təfərrüatlı məlumat yaymayıblar.-03B-
Cəmiyyət
-
Yanvarın 29-da Azərbaycanda bələdiyyə seçkiləri keçirildi. 118 dairə üzrə seçkilərdə 16 mindən çox namizəd iştirak etdi. Mərkəzi Seçki Komissiyasının (MSK) saytında artıq lider namizədlərin adları açıqlanıb. Seçkidən saatlar sonra isə MSK sədri Məzahir Pənahov brifinqdə bildirmişdi ki, 685 bələdiyyənin 413-ü artıq formalaşmış hesab edilir, lider namizədlərin sayı 7 min 791 nəfərdir. Onun sözlərinə görə, bütün dairələrdə seçkilər normal keçib və rəhbərlik etdiyi quruma heç bir şikayət daxil olmayıb. Halbuki, müstəqil namizədlər və ekspertlər seçkilərin gedişatında pozuntuların olduğunu deyirlər.
-
Cümə günü paytaxtda hava dəyişkən olacaq, yağış gözlənilmir.Cənub-şərq küləyi əsəcək. Havanın temperaturu gecə müsbət 5 +7, gündüz müsbət 8 + 12 dərəcə olacaq. Rütubət 70-80 faiz olacaq.
-
Yanvarın 30-da Bakıda aydınlaşdırma ilə buludlu olacaq, gün ərzində Abşeron yarımadasında az yağıntı ola bilər. Külək cənub-şərq olacaq. Gecə havanın temperaturu +4 - dən +7c-ə, gündüz isə +8-dən +12C-ə qədər olacaq.havanın rütubəti 70-80% olacaq.
-
Azərbaycan hakimiyyəti keçmiş Rusiya hakimi Yelena Xaxalevanı Bakı Beynəlxalq Hava Limanında saxlayıb. Bu barədə məlumat Rusiyanın Baş Prokurorluğuna və Daxili İşlər Nazirliyinə təsdiqlənib. Saxlanılma xəbəri ilk olaraq Kommersant və İzvestiya tərəfindən mənbələrə istinadən yayımlanıb və daha sonra RIA Novosti və TASS vasitəsilə hüquq-mühafizə orqanlarından təsdiq alıb.
Rəy yaz